កាលពីពេលថ្មីៗនេះ ក្រុមហ៊ុនបច្ចេកវិទ្យា Automattic បានដាក់់បង្ហាញចេញនូវ AI ថ្មីមួយដែលត្រូវបានរចនាឡើងដើម្បីជួយសម្រួលការងាររបស់អ្នកប្រើប្រាស់ក្នុងការសរសេរអត្ថបទ សង្ខេបអត្ថបទ នៅក្នុងគេហទំព័រ WordPress.com របស់ខ្លួន។
AI នេះ ប្រើសម្រាប់សរសេរអត្ថបទ ក៏ដូចជា សង្ខេបអត្ថបទ វិភាគអត្ថបទ និងផ្តល់យោបល់ដើម្បីកែសម្រួលប្រយោគ កែតម្រូវ ធានាឱ្យមានភាពត្រឹមត្រូវមួយរយភាគរយ។ វាអាចពន្យល់ និងបកប្រែពាក្យ និងវាក្យសព្ទដែលមានភាពស្មុគ្រស្មាញហួសហេតុ ដោយស្វ័យប្រវត្តិ។ គួរបញ្ជាក់ថា Write Brief AI គឺជាផ្នែកមួយនៃ Jetpack ដែលមានលក្ខណៈពិសេសអាចប្រើដោយមិនគិតថ្លៃ ប៉ុន្តែបច្ចុប្បន្ននេះ វាដំណើរតែភាសាអង់គ្លេសប៉ុណ្ណោះ។
លើសពីនេះទៅទៀត ក្រុមហ៊ុន Automattic បានប្តេជ្ញាចិត្តអភិវឌ្ឍន៍ AI នេះ ដើម្បីពង្រឹងហេដ្ឋារចនាសម្ព័ន្ធរបស់ខ្លួន និងពង្រីក សក្ដានុពលរបស់ AI នេះសម្រាប់ប្រើប្រាស់ទូទាំងពិភពលោក ដែលអាចឲអ្នកប្រើប្រាស់ផលិតមាតិកាបានកាន់តែប្រសើរឡើង៕