បន្ទាប់ពីដាក់បង្ហាញចេញនូវស្មាតហ្វូន Samsung Galaxy F14 5G ពេលនេះ ក្រុមហ៊ុនផលិតទូរស័ព្ទដៃ Samsung បានធ្វើការប្រកាសចេញលក់ជាផ្លូវការនូវស្មាតហ្វូន Samsung Galaxy F14 4G ជាមួយតម្លៃលក់ត្រឹមតែ ១០៧ ដុល្លារក្នុងទីផ្សារប្រទេសឥណ្ឌា។
ស្មាតហ្វូននេះបំពាក់ដោយបន្ទះអេក្រង់ទំហំ ៦,៧ អ៊ីញ FHD+ LCD 90Hz មានកម្រិតពន្លឺ 480nits ដំណើរការដោយបន្ទះឈីប Qualcomm Snapdragon 680 | Adreno 610 GPU | One UI 6.1 | Android 14 ព្រមទាំងទទួលបាន RAM 4GB និងអង្គចងចាំ 64GB ប្រើប្រាស់សុីមចំនួន ២ រួមជាមួយថាមពលថ្ម 5,000mAh និងដុំសាកទំហំ ២៥ វ៉ាត់ ចេញពីប្រអប់។
Samsung Galaxy F14 មានទម្ងន់ ១៩៤ ក្រាម និងកម្រាស់ ៩ មីលីម៉ែត្រ បំពាក់ដោយកាម៉េរ៉ាគោលខាងក្រោយទំហំ 50MP រួមផ្សំជាមួយលេនចាប់សញ្ញា និងកាមេរ៉ាម៉ាក្រូទំហំ 2MP ចំណែកកាម៉េរ៉ាខាងមុខទំហំ 13MP ។ លើសពីនេះទៅទៀត ស្មាតហ្វូននេះត្រូវបានគាំទ្រដោយប្រព័ន្ធ 4G VoLTE | Wi-Fi 7 | Bluetooth 5.2 | រន្ធសាក USB Type-C និងម៉ាសុីនស្កេនម្រាមដៃនៅផ្នែកជំហៀងផងដែរ៕
ពាណិជ្ជកម្ម
