កាលពីពេលថ្មីៗនេះ ក្រុមហ៊ុន Lenovo India បានប្រកាសថាខ្លួននឹងធ្វើការនឹងចេញលក់ជាផ្លូវការនូវកុំព្យូទ័រយួរដៃសេរ៊ីថ្មី Lenovo Yoga Slim 7x នៅថ្ងៃទី១៩ ខែសីហា ឆ្នាំ២០២៤ នេះ ក្នុងប្រទេសឥណ្ឌា ជាមួយតម្លៃចាប់ពី ១ ៦០០ ដុល្លារ។
ការប្រកាសនេះត្រូវបានធ្វើឡើងដោយអ្នកនាង Chandrika Jain ដែលជា CMO នៃក្រុមហ៊ុន Lenovo India ផ្ទាល់ដោយបានបញ្ជាក់ក្រោយពេលបញ្ជាប់ព្រឹត្តិការណ៍ Snapdragon ដែលធ្វើឡើងក្នុងប្រទេសឥណ្ឌាកាលពីដើមសប្តាហ៍នេះថាក្រុមហ៊ុន Lenovo នឹងនាំយកកុំព្យូទ័រយួរដៃ Yoga Slim X ទៅកាន់ប្រទេសឥណ្ឌាផ្ទាល់នៅក្នុងខែនេះ។
កុំព្យូទ័រយួរដៃ Yoga Slim 7x ដំណើរការដោយបន្ទះឈីប Snapdragon X Elite/CPU Qualcomm Oryon 12-core/Qualcomm Adreno GPU និង Qualcomm Hexagon NPU សម្រាប់ដំណើរការមុខងារ AI កម្រិតខ្ពស់ ដែលអាចដំណើរការប្រតិបត្តិការ (TOPS) បានរហូតដល់ ៤៥ ពាន់ពាន់លានក្នុងមួយវិនាទី។
កុំព្យូទ័រយួរដៃនេះមានទម្ងន់ស្រាល ១,២ គីឡូក្រាម និងកម្រាស់ ១២,៩ មីលីម៉ែត្រ បំពាក់ដោយអេក្រង់ ១៤,៥ អ៊ីញ OLED 3K 90Hz មានកម្រិតពន្លឺ 1000nits ។ លើសពីនេះទៅទៀត វាមានភ្ជាប់មកជាមួយក្ដារចុច ១,៥ មីលីម៉ែត្រ, ថ្នាំកូតប្រឆាំងនឹងប្រេង, FHD MIPI IR webcam, មីក្រូហ្វូន Voice ID ចំនួន៤, រន្ធសំឡេងចំនួន៤, រន្ធ USB ចំនួន៣, រន្ធ Type-C ចំនួន៤, រន្ធដោតអូឌីយ៉ូ និងរន្ធ HDMI 2.1 ជាដើម។
ខាងក្រោមនេះជាលក្ខណៈពិសេសផ្សេងទៀតរបស់កុំព្យូទ័រយួរដៃ Lenovo Yoga Slim 7x ៖
- ប្រព័ន្ធប្រតិបត្តិការ៖ Windows 11 Home 64
- RAM៖ 16GB
-
Storage៖ 512GB
- កាមេរ៉ា៖ 1080P FHD IR Hybrid ជាមួយមីក្រូហ្វូនពីរ
- ក្ដារចុច៖ Backlit, Cosmic Blue
- គាំទ្រ៖ Wi-Fi 7 2×2 BE 320MHz & Bluetooth 5.3
- ថាមពលថ្ម៖ 4 Cell Li-Polymer 70Wh
- ខ្សែថាមពល៖ 65W USB-C 90% PCC 3pin អាដាប់ទ័រ AC
- ពណ៌៖ Cosmic Blue
- តម្លៃ៖ ចាប់ពី ១ ៦០០ ដុល្លារ (ប្រទេសឥណ្ឌា)