នាពេលថ្មីៗនេះ ក្រុមហ៊ុនផលិតទូរស័ព្ទដៃ Poco បានធ្វើការប្រកាសគ្រោងដាក់បង្ហាញចេញលក់ជាផ្លូវការនូវស្មាតហ្វូនសេរ៊ីថ្មី Poco F6 Deadpool & Wolverine Edition នៅក្នុងថ្ងៃទី២៦ ខែកក្កដា នេះ ខណៈតម្លៃខាងក្រុមហ៊ុនមិនទាន់បង្ហាញនៅឡើយទេ។
![](https://cambobiz.com/wp-content/uploads/2024/07/POCO-F6-Deadpool-4.jpg)
ស្មាតហ្វូនសេរ៊ីថ្មីនេះនឹងបំពាក់បន្ទះអេក្រង់ ៦,៦៧ អ៊ីញ 120Hz 1.5K AMOLED មានកម្រិតពន្លឺ 2,400nits ដំណើរការដោយបន្ទះឈីប Snapdragon 8s Gen 3 SoC និងប្រព័ន្ធ HyperOS/Android 14 ចេញពីប្រអប់។ លើសពីនេះក៏ទទួលបានជម្រើស RAM 12GB/16GB និង Storage 512GB/1TB ។ ចំណែកថាមពលថ្មវិញគឺ 5,០00mAh គាំទ្រដោយដុំសាកល្បឿនលឿនទំហំ 90W អាចបញ្ចូលថ្មមួយពេញក្នុងរយៈតិចជាង ៣០ នាទី។
ចំពោះសេនស័រកាមេរ៉ាខាងមុខមានទំហំ 20MP និងមានកាមេរ៉ាខាងក្រោយចំនួន ២ គ្រាប់រួមមាន លេនគោល 50MP OIS បូករួមទាំងលេនថតមុំទូលាយ Ultra-wide ទំហំ 8MP ។