នាពេលថ្មីៗនេះ Adobe បានប្រកាសដាក់ឲប្រើប្រាស់ជាផ្លូវការនូវមុខងារថ្មីមួយចំនួនដែលដំណើរការដោយ AI បន្ថែមទៅក្នុងកម្មវិធីរបស់ខ្លួន ក្នុងគោលបំណងបង្កើនលំហូរការងាររបស់អ្នកប្រើប្រាស់ប្រកបដោយភាពច្នៃប្រឌិតថ្មីៗមិនដដែលៗ។
Adobe បានដាក់ឲប្រើប្រាស់ Firefly Vector AI (Beta) នៅក្នុងកម្មវិធី Illustrator និង Photoshop ជាមួយមុខងារ Generative Shape Fill និង Text to Pattern សម្រាប់បង្កើតរូបភាពប្លែក តាមចំណូលចិត្ត។ លើសពីនេះទៅទៀត កម្មវិធី Illustrator ក៏បានអាប់ឌែតថ្មីដោយបន្ថែមនូវមុខងារថ្មីមួយចំនួនផងដែររួមមាន មុខងារ Dimension មុខងារ Mockup និងមុខងារ Retype ។ សម្រាប់កម្មវិធី Photoshop វិញក៏ទទួលបានមុខងារ Selection Brush ផងដែរ។
គួរឲដឹងថា Adobe កំពុងព្យាយាមអភិវឌ្ឍន៍បច្ចេកវិទ្យា AI របស់ខ្លួននៅក្នុងប្រទេសឥណ្ឌា បើទោះបីជាមានការរិះគន់ខ្លះពីអ្នកប្រើប្រាស់ក៏ដោយ ក៏ Adobe សង្កត់ធ្ងន់ថាមុខងារ AI របស់ខ្លួនមានគោលបំណងដើម្បីបង្កើនការច្នៃប្រឌិតថ្មីៗ។ លោក Deepa Subramaniam អនុប្រធានផ្នែកទីផ្សារផលិតផលរបស់ Adobe Creative Cloud បាននិយាយថា “គោលដៅរបស់យើង (Adobe) គឺដើម្បីបង្កើនភាពច្នៃប្រឌិតថ្មីៗ ហើយក្រុមហ៊ុនក៏នៅតែប្តេជ្ញាចិត្តក្នុងការអភិវឌ្ឍន៍បច្ចេកវិទ្យាAI ជំនាន់ថ្មីជាបន្តទៀត”។