[ទីផ្សារចិន] កាលពីពេលថ្មីៗនេះ ក្រុមហ៊ុនផលិតរថយន្ត FAW Group (First Automobile Works) បានធ្វើការដាក់បង្ហាញចេញនូវរថយន្ត FAW Bestune Pony ប្រភេទ Micro EV ក្នុងទីផ្សារប្រទេសចិន ខណៈតម្លៃចាប់ពី ៣ ៧០០ ដុល្លារ ដល់ ៤ ៤០០ ដុល្លារ ហើយគ្រោងចេញលក់ជាផ្លូវការនៅថ្ងៃទី២៨ ខែកក្កដា នេះ។
Hongqi HS3 មានប្រវែងតួខ្លួនសរុប ៣ ០០០ ម.ម ទទឹង ១ ៥១០ ម.ម កំពស់ ១ ៦៣០ ម.ម ទម្ងន់ ១ ០០០ គីឡូក្រាម និងប្រវែងគន្លាតកង់មុខ-ក្រោយ ១ ៩៥៣ ម.ម ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២០ គីឡូវ៉ាត់ និងកម្លាំងរមួល ៨៥ ញ៉ូតុនម៉ែត្រ ផ្គួបជាមួយអាកុយទំហំ ៩,៤ និង ១៣,៩ គីឡូវ៉ាត់ម៉ោង អាចបើកបរបានចម្ងាយចាប់ពី ១២២ ទៅ ១៧០ គីឡូម៉ែត្រ ពេលសាកថ្មពេញម្តង។
សម្រាប់ការរចនាផ្នែកខាងក្រៅរបស់រថយន្តនេះមានភាពទាន់សម័យ Cute មានដោយមានការឌីស្សាញជាមួយប៉ាណាមុខបិទជិតអបដោយចង្កៀងមុខ-ក្រោយ រាងអក្សរ O និងប្រើប្រាស់យ៉ាន់កង់ទំហំតូចល្មមផងដែរ។ លើសពីនេះទៅទៀត រថយន្តនេះក៏ទទួលបានពណ៌តួខ្លួនចំនួន ៦ រួមមាន ស ខៀវ បៃតងខ្ចី បៃតងចាស់ Peach Powder និង Cheese White ។ ខណៈនៅផ្នែកខាងក្នុងវិញ ទទួលបានកៅអីខាងមុខ ២ និងកុងទ័របង្ហាញព័ត៌មានឌីជីថល ប្រព័ន្ធសម្លេង និងម៉ាសុីនត្រជាក់ ជាដើម។
