កាលពីពេលថ្មីៗនេះ Gemini AI របស់ Google ត្រូវបានរកឃើញថាមានការចូលប្រើប្រាស់ឯកសារក្នុង Google Drive ដោយគ្មានការយល់ព្រមពីអ្នកប្រើប្រាស់ ដែលបង្កឱ្យមានការព្រួយបារម្ភអំពីសុវត្ថិភាព និងឯកជនភាពផ្ទាល់ខ្លួនរបស់អ្នកប្រើប្រាស់។
យោងតាមបុគ្គលដែលជួបហេតុការណ៏ផ្ទាល់ លោក Kevin Bankston ដែលជានាយកនៃវិទ្យាស្ថានបច្ចេកវិទ្យារបស់អាមេរិកបាននិយាយថា AI បានធ្វើឲមានការបាត់បង់ឯកជនភាពដោយគ្មានការអនុញ្ញាត ដែលបង្កើនបញ្ហាឯកជនភាពសំខាន់ៗជាច្រើនចំពោះមនុស្សនាពេលសព្វថ្ងៃ។ គាត់បានបន្ថែមទៀតថា គាត់បានព្យាយាមក្នុងការបិទមុខងារនេះដែល តែនៅតែបន្តដំណើរការ ទោះបីជាមានការ set-up ត្រឹមត្រូវក៏ដោយ។
គួរបញ្ជាក់ផងថា ក្រុមហ៊ុន Google ពីមុនធ្លាប់បានធានាថារាល់ទិន្នន័យ Workspace របស់អ្នកប្រើប្រាស់ទាំងអស់នឹងមិនត្រូវបានប្រើដើម្បីបណ្តុះបណ្តាល AI ឬមានគោលដៅក្នុងការផ្សព្វផ្សាយពាណិជ្ជកម្មនោះឡើយ។ ទោះជាយ៉ាងណាក៏ដោយ ឧបទ្ទវហេតុនេះបានធ្វើឱ្យមានការសង្ស័យអំពីការលួចទិន្នន័យ ឫក៏បម្លែងទិន្នន័យ និងការបាត់បង់ឯកជនភាពរបស់អ្នកប្រើប្រាស់។