La Tour Eiffel ឫក៏ ប៉មអេហ្វែល (Tour Eiffel Tower) គឺជាស្ថាបត្យកម្មដ៏ល្អឯក និងក៏ជាកន្លែងទេសចរណ៍ដ៏ពេញនិយមបំផុតនៅលើពិភពលោកដែលមានទីតាំងស្ថិតនៅក្នុងទីក្រុងប៉ារីស ប្រទេសបារាំង។
ស្ថាបត្យកម្មនេះ កសាងឡើងដើម្បីអបអរសាទរគម្រប់ខួប ១០០ឆ្នាំនៃបដិវត្តរបស់ប្រទេសសបារាំង វាត្រូវបានរចនាឡើងដោយលោក Gustave Eiffel មានកម្ពស់ ៣២៤ ម៉ែត្រ ស្មើនឹង ៨១ ជាន់ ស្ថិតនៅលើផ្ទៃដីទំហំ ១២៥ ម៉ែត្រការ៉េ ចាប់ផ្តើមសាងសង់ឡើងក្នុងឆ្នាំ១៨៨៧ និងបញ្ជប់ការសាងជាផ្លូវការនៅក្នុងឆ្នាំ១៨៨៩ ។
គួរបញ្ជាក់ផងថា សំណង់នេះត្រូវបានសាងសង់ឡើងដោយលោហៈដែកថែបប្រមាណ ១ម៉ឺនតោនជាង បែងចែកជា ៣ ជាន់ សម្រាប់ជាន់ទី ១ និងជាន់ទី ២ ជាភោជនីដ្ឋាន ចំណែកជាន់ទី ៣ ជាកន្លែងសម្រាប់លំហែកម្សាន្ត ផ្តិតយករូបភាពទីក្រុងប៉ារីសជាដើម។ លើសពីនេះទៅទៀត សំណង់នេះត្រូវបានភ្ញៀវទេសចរណ៍ប្រមាណ ៦,៣ លាននាក់ ដែលស្ថិតជុំវិញពិភពលោកមកធ្វើការកម្សាន្តកាលពីឆ្នាំ២០២៣ កន្លងទៅ។
