ខេត្ត Ninh Binh ចង់សាងសង់ព្រលានយន្តហោះក្នុងស្រុកផ្ទាល់ខ្លួនមួយ ដើម្បីទាញយកផលប្រយោជន៍ពីទេសចរណ៍របស់ខ្លួន និងបម្រើដល់ការអភិវឌ្ឍឧស្សាហកម្ម។
ខេត្តដែលមានចម្ងាយ ៩៥ គីឡូម៉ែត្រពីភាគខាងត្បូងទីក្រុង Hanoi នេះ បានស្នើទៅក្រសួងដឹកជញ្ជូនវៀតណាមឲ្យបន្ថែមព្រលានយន្តហោះទៅក្នុងផែនការអភិវឌ្ឍន៍អាកាសចរណ៍ជាតិ សម្រាប់ឆ្នាំ ២០២១-២០៣០ ។
យោងតាមការសែតមួយរបស់ក្រសួងបានឲ្យដឹងថា ទីតាំងដែលបានស្នើសុំគឺស្រុក Kim Son ឬស្រុក Yen Khanh ដែលមានចម្ងាយតិចជាង ៣៥ គីឡូម៉ែត្រពីប្រព័ន្ធរូងភ្នំ Tam Coc ដែលជាចំណុចក្តៅសម្រាប់ភ្ញៀវទេសចរ។
អភិបាលខេត្ត Ninh Binh លោក Pham Quang Ngoc បានឲ្យដឹងថា ខេត្តបានដាក់គោលដៅភ្ញៀវទេសចរពី ៨ ទៅ ៩ លាននាក់ត្រឹមឆ្នាំ ២០២៥។ កាលពីឆ្នាំមុន តួលេខបានធ្លាក់ចុះ ៦៣% សល់តែ ២,៨លាននាក់ប៉ុណ្ណោះ ដោយសារតែជំងឺកូវីដ១៩។
គួរឲ្យដឹងថាខេត្តភាគខាងជើងមួយនេះ ចង់បង្កើនប្រាក់ចំណូលពីវិស័យទេសចរណ៍របស់ខ្លួន ចំនួនប្រាំដងបើធៀបនឹងឆ្នាំមុន គឺ ១,៦ ពាន់ពាន់លានដុង (៦៩ លានដុល្លារ) ដល់ ៨ លានលានដុង (៣៤៦លានដុល្លារ) នៅឆ្នាំ ២០២៥៕