[ទីផ្សារបរទេស] នាពេលថ្មីៗនេះ ថេប្លេត Lenovo Tab Plus ត្រូវបានដាក់បង្ហាញជាផ្លូវការនៅលើទីផ្សារប្រទេសឥណ្ឌា ជាមួយតម្លៃលក់ខ្ទង់ ២៩០ដុល្លារ ដោយមានបំពាក់ឧបករណ៍បំពងសំឡេង JBL ចំនួន ៨គ្រាប់ អេក្រង់ទំហំ ១១,៥ អ៊ីញ កម្រិត 2K ជាមួយនឹងកម្រិត Refresh Rate 90Hz និងកម្រិតពន្លឺ 400nits។
ពាណិជ្ជកម្ម
ថេប្លេតនេះដំណើរការដោយបន្ទះឈីប MediaTek Helio G99 និងប្រព័ន្ធប្រតិបត្តិការ Android 14 មកចេញពីប្រអប់ និងមានទំហំថាមពលថ្ម 8,600mAh និងដុំសាកថ្មលឿនទំហំ ៤៥វ៉ាត់ ដែលមាន RAM 8GB និងអង្គចងចាំទំហំ 128GB និង 256GB ។
ចំពោះផ្នែកកាមេរ៉ា Lenovo Tab Plus មានសេនស័រ 8-megapixel និងមុខងារ autofocus នៅផ្នែកខាងក្រោយ និង sensor 8-megapixel និង fixed focus នៅផ្នែកខាងមុខ។
សម្រាប់ការតភ្ជាប់របស់ថេប្លេតនេះវិញរួមមាន Wi-Fi 5, Bluetooth 5.2, រន្ធ USB Type-C, រន្ធដោតអូឌីយ៉ូ 3.5mm និងរន្ធដោតកាត microSD ជាដើម។