[បរទេស] កាលពីពេលថ្មីៗនេះ ក្រុមហ៊ុនផលិតរថយន្តរបស់អុីតាលី Maserati បានប្រកាសចេញនូវរថយន្ត MC20 ស៊េរីថ្មីចំនួនពីរម៉ូឌែលរួមមាន MC20 Icona និង MC20 Leggenda ដែលមានតែ ២០គ្រឿងប៉ុណ្ណោះក្នុង ១ម៉ូឌែល ដើម្បីអបអរខួបលើកទី ២០ របស់ MC12។
គួរបញ្ជាក់ផងដែរថា MC20 Icona ត្រូវបានបំផុសគំនិតរចនាដោយ MC12 Stradale ខណៈពេលដែល MC20 Leggenda រចនាតាមរថយន្តប្រណាំង MC12 GT1 Vitaphone ហើយរថយន្តទាំងពីរនេះដំណើរការដោយម៉ាស៊ីនសុាំង ៣,០លីត្រ twin-turbo V6 ដែលអាចផលិតកម្លាំងសរុបបានចំនួន ៦២១សេះ៕
ចំពោះផ្នែកខាងក្រៅមានពណ៌តួខ្លួនចំនួនពីរគឺ ពណ៌ខៀវ និងស ជាមួយរូបរាងស្ព័រកប់ សម្រាប់ផ្នែកខាងលើវិញ មានការរចនាដោយពណ៌ Icona Bianco Audace Matte ឯផ្នែកខាងក្រោមរបស់រថយន្តបំពាក់ដោយថាសកង់ Trident-inspired ស្រោបដោយក្រូម៉េជាមួយប្រអប់ហ្វ្រាំងពណ៌ខៀវ ហើយ Maserati ក៏បានបន្ថែមទង់ជាតិអ៊ីតាលីនៅក្រោមឡូហ្គូល MC20 ជាដើម៕
សម្រាប់ផ្នែកខាងក្នុង មានបំពាក់គ្រឿងបរិក្ខារប្រណិតៗ រួមមានកៅអីប្រណាំង monocoque, ប្រព័ន្ធសំឡេង Sonus Faber និិង ប្រព័ន្ធ ADAS ជាច្រើន ហើយស៊េរីនីមួយៗមានឈ្មោះរបស់វាប៉ាក់នៅលើក្បាលកៅអី និងឡូហ្គូលពិសេសនៅលើគម្របម៉ាស៊ីន៕
