ក្រុមហ៊ុន BYD បានប្រកាសចេញបច្ចេកវិទ្យា DM Hybrid ជំនាន់ទីប្រាំរបស់ខ្លួន ដែលប្រៀបបានជាការបង្កើតស្តង់ដាថ្មីក្នុងទីផ្សាររថយន្តHybrid PHEV។
បច្ចេកវិទ្យាថ្មីនេះផ្ដល់នូវសមត្ថភាពសន្សំសំចៃប្រេងដ៏អស្ចារ្យ ដោយជិះ ១០០គ.ម ស៊ីប្រេងត្រឹមតែ ២,៩លីត្រ ប៉ុណ្ណោះ ទោះបីជាអាគុយអស់ថាមពលរលីងក្ដី។ ជាមួយអាគុយដែលមានថាមពល និងប្រេងសាំងពេញធុង បច្ចេកវិទ្យានេះផ្ដល់ចម្ងាយបើកបរបានដល់ ២១០០គ.ម ឯណោះ។
BYD បានបញ្ចូលបច្ចេកវិទ្យានេះលើរថយន្តម៉ូដែលថ្មីចំនួនពីរគឺ Qin L DM-i និង Seal 06 DM-i ដែលរថយន្តទាំងពីរមានតម្លៃចន្លោះប្រមាណ ១៣ ៧៧៥ដុល្លារ និង ១៩ ២៨០ដុល្លារ។ BYD រំពឹងថាអតិថិជននឹងអាចសន្សំសំចៃប្រេងបានដល់ ១៣៣៥ដុល្លារ ជាប្រចាំឆ្នាំ បើធៀបនឹងរថយន្តដែលប្រើប្រេងឥន្ធនៈសុទ្ធ៕
ពាណិជ្ជកម្ម
