ចិញ្ចៀនវៃឆ្លាត Samsung Galaxy Ring ប្រហែលជាបានប្រកាសចេញជាផ្លូវការកាលពីខែកុម្ភៈ ប៉ុន្តែអ្វីដែលនៅជាចម្ងល់នៅឡើយនោះ គឺទាក់ទងនឹងតម្លៃរបស់វាផ្ទាល់។
បើតាមអ្នកឲ្យតម្រុយ Yogesh Brar បានឲ្យដឹងថា តម្លៃនៅសហរដ្ឋអាមេរិកសម្រាប់ចិញ្ចៀន Galaxy Ring នឹងមានចន្លោះប្រមាណ ៣០០ ទៅ ៣៥០ដុល្លារ ខណៈនៅប្រទេសឥណ្ឌាវិញ នឹងមានតម្លៃប្រមាណ ៤២០ដុល្លារ ឯណោះ។
ពាណិជ្ជកម្ម
មិនតែប៉ុណ្ណោះចិញ្ចៀន Galaxy Ring ក៏មានការបង់ថ្លៃប្រចាំខែ ក្រោម ១០ដុល្លារ សម្រាប់ការប្រើប្រាស់មុខងារ Samsung Health។ វាគឺជាអ្វីដែលអនុប្រធាន Samsung Electronics ធ្លាប់បានឲ្យតម្រុយពេលដែលចិញ្ចៀននេះបានបង្ហាញចេញដំបូងៗ។ តាមនោះដែរ កញ្ចប់ប្រចាំខែ Fitbit Premium គឺមានតម្លៃ ១០ដុល្លារ ក្នុងមួយខែ ឬ ៨០ដុល្លារ សម្រាប់មួយឆ្នាំ៕