ម៉ាកថ្នាក់ខ្ពស់របស់ Chery គឺ Exeed បានបើកដំណើរការលក់ SUV ប្រភេទ Extended-Range ទំហំមធ្យម Exeed Exlantix MX នៅលើទីផ្សារអន្តរជាតិ (ដែលនៅចិនហៅថា Exeed Exlantix ET5)។ ម៉ូដែលនេះមាន 2 ជម្រើស ដែលតម្លៃប្តូររថយន្តចាស់ចាប់ពី 19,070 USD ខណៈតម្លៃធម្មតារចន្លោះពី 20,500–22,600 USD។
Exlantix MX ប្រើម៉ាស៊ីនសាំង 1.5 លីត្រ Turbo ដែលធ្វើតួនាទីជា Generator ភ្ជាប់ជាមួយម៉ូទ័រអគ្គិសនីនៅកង់ក្រោយ ដែលមានកម្លាំង 195 kW និង កម្លាំងរមួល 324 N·m។ ថ្ម LFP 32.66 kWh អាចបើកដោយភ្លើងសុទ្ធបាន 210 km (CLTC)និងចម្ងាយបើកបររួមសរុប 1,310 km ដែលធ្វើអោយវាក្លាយជា SUV EREV ដែលមានចម្ងាយបើកបរឆ្ងាយបំផុតមួយក្នុងតម្លៃនេះ។
រចនាបថខាងក្រៅបង្ហាញពីភាសារចនាថ្មីរបស់ Exeed ដោយមានខាងមុខបិទជិត និងខ្សែអំពូល LED ពេញទូលំទូលាយខាងក្រោយ។ វាមានទំហំប្រវែង 4,780 mm, ទទឹង 1,890 mm, កម្ពស់ 1,720 mm ហើយជម្រើសកំពូលមាន LiDAR លើដំបូលសម្រាប់បង្ហាញសមត្ថភាពជំនួយបើកបរសម័យថ្មី។
ខាងក្នុងកាប៊ីនមានអេក្រង់ 3 អេក្រង់អ្នកបើកបរ 10.25 inch, អេក្រង់កណ្តាល 15.6 inch, និងអេក្រង់អ្នកដំណើរខាងមុខ 12.3 inch ទាំងអស់ដំណើរការដោយឈីប Qualcomm Snapdragon 8255។ ខាងក្នុងប្រើស្បែក Nappa, Alcantara និងរចនាបថពណ៌ពីរ ដោយគាំទ្រការតភ្ជាប់ Smartphone។
ម៉ូដែលកំពូលមានប្រព័ន្ធជំនួយបើកបរ Falcon 700 ដែលដំណើរការលើឈីប Journey 6P និងវេទិកា Horizon SuperDrive (HSD)។ វាមាន LiDAR, ឧបករណ៍ចាប់សញ្ញា 27, Radar និង Camera ដែលគាំទ្រការជួយបើកបរលើផ្លូវថ្នល់, ក្នុងទីក្រុង និងចតរថយន្តស្វ័យប្រវត្តិក្នុងស្ថានភាពផ្សេងៗ។ Exeed Exlantix MX ជាសមាសភាពរវាង Range-Extender + ថ្ម 32.66 kWh + ប្រព័ន្ធ ADAS កម្រិតខ្ពស់។ វាមានជួរបើកបរថាមពលសុទ្ធ 210 km និងជួរបើកបររួម 1,310 km។ មានកៅអី 5 និងអេក្រង់បី បូកជាមួយឧបករណ៍ចាប់សញ្ញាច្រើនសម្រាប់ជំនួយបើកបរ។
