ទូរសព្ទ Nokia 3210 បានរស់រានមានជីវិតឡើងវិញ ក្រោមស្នាដៃរបស់ក្រុមហ៊ុន HMD Global ដោយក្រុមហ៊ុនបានផលិត Nokia 3210 ស៊េរីថ្មី យកលំនាំតាមទូរសព្ទស៊េរីចាស់។
ពេលនេះដែរ អ្នកប្រើប្រាស់ជាច្រើននៅចិនកំពុងតែចាប់អារម្មណ៍លើទូរសព្ទដៃនេះ ដោយសារតែមុខងារថតរូបព្រាលរបស់វា។ នេះបើតាមការចុះផ្សាយរបស់ Drive China ។
ពាណិជ្ជកម្ម
Nokia 3210 ឆ្នាំ២០២៤ បានលក់នៅចិនចាប់ពីថ្ងៃទី៨ ខែឧសភា ក្នុងតម្លៃ ៤៨ដុល្លារ ហើយនៅលើគណនី Weibo របស់ក្រុមហ៊ុន Nokia Mobile Phone បានប្រកាសថា ទូរសព្ទនេះបានលក់ដាច់អស់ពីស្តុក ក្នុងពេលត្រឹមពីរថ្ងៃ។ នៅលើវិបសាយ HMD Global នៅចិន ក៏បានប្រកាសអំពីការអស់ស្តុកផងដែរ។
ដើម្បីបំពេញតាមតម្រូវការរបស់អ្នកប្រើប្រាស់ចិន HMD Global និយាយថាខ្លួននឹងបន្ថែមចំនួនផ្គត់ផ្គង់សម្រាប់ទីផ្សារនេះ ហើយអតិថិជននឹងអាចទិញទូរសព្ទ Nokia 3210 ស៊េរីថ្មីនេះបានឡើងវិញចាប់ពីថ្ងៃទី៣១ ខែឧសភា៕