កាលពីខែមីនា YouTube បានចាប់ផ្ដើមធ្វើតេស្តមុខងារ “Jump ahead” ហើយពេលនេះក្រុមហ៊ុនបានបញ្ចេញមុខងារនេះកាន់តែទូលំទូលាយសម្រាប់អតិថិជនបង់លុយ ដោយផ្ដល់ឲ្យតែ Premium ប៉ុណ្ណោះ។
ពាណិជ្ជកម្ម
ក្រោយចុចពីរដងដើម្បីរំលងទៅមុខ អ្នកនឹងឃើញប៊ូតុងថ្មីដែលអាចចុចរំលងទៅកាន់ផ្នែកមួយដែលទស្សនិកជននិយមចុចទៅដល់។ ប៊ូតុងនេះនឹងបង្ហាញខ្លួនប៉ុន្មានវិនាទី នៅផ្នែកស្ដាំខាងក្រោម។
គួរដឹងថាមុខងារនេះនាពេលបច្ចុប្បន្នគឺមានសម្រាប់តែកម្មវិធី YouTube លើប្រព័ន្ធ Android សម្រាប់អ្នកប្រើប្រាស់នៅសហរដ្ឋអាមេរិក និងដំណើរការតែជាមួយវីដេអូភាសាអង់គ្លេសប៉ុណ្ណោះ ហើយមិនមានលើគ្រប់វីដេអូនោះឡើយ។
តាមការបញ្ជាក់ពី YouTube មុខងារនេះជាមុខងារសាកល្បង ដោយអតិថិជន Premium អាចមានឱកាសប្រើប្រាស់រហូតដល់ថ្ងៃទី១ ខែមិថុនា៕