ក្រុមហ៊ុន Apple គ្រោងពង្រីកទំហំអេក្រង់នៃ iPhone 16 ដោយប្រើប្រាស់បច្ចេកវិទ្យាថ្មីមួយ ដែលនឹងទទួលបានអេក្រង់មានគែមកាន់តែខ្លាំងជាងមុន។ នេះបើតាមប្រភពព័ត៌មានពីប្រទេសកូរ៉េខាងត្បូង។
ពាណិជ្ជកម្ម
បើតាម SisaJournal បាននិយាយថា Apple នឹងប្រើបច្ចេកវិទ្យាឈ្មោះ Border Reduction Structure (BRS) ដើម្បីបន្ថយគែមអេក្រង់។ អេក្រង់ដែលមានគែមស្ដើងនេះ នឹងមានលើ iPhone 16 ទាំងបួនប្រភេទតែម្ដង។
កាលពីឆ្នាំមុន Apple បានបន្ថយទំហំគែមអេក្រង់លើ iPhone 15 Pro ដោយប្រើប្រាស់បច្ចេកវិទ្យាឈ្មោះ low-injection pressure over-molding ហៅកាត់ថា LIPO ដែលអាចបន្ថយទំហំពី ២,២ម.ម មកនៅត្រឹម ១,៥ម.ម ប៉ុណ្ណោះ។
បើតាមប្រភពជាច្រើនផ្សេងគ្នា បានឲ្យតម្រុយថា iPhone 16 Pro និង iPhone 16 Pro Max នឹងមានអេក្រង់ធំជាងមុន គឺប្រមាណ ៦,៣អ៊ីញ និងប្រមាណ ៦,៩អ៊ីញ ខណៈ iPhone 16 និង iPhone 16 Plus រំពឹងថានឹងរក្សាទំហំដូចដើម៕