ដំណឹងថ្មីចុងក្រោយមានប្រភពពី SisaJournal បានអះអាងថា Samsung នឹងប្រកាសចេញ Galaxy Z Fold6 ប្រភេទធូរថ្លៃនៅក្នុងឆ្នាំនេះ ដើម្បីបង្កើនចំនួនលក់របស់ខ្លួន។
ពាណិជ្ជកម្ម
Galaxy Z Fold6 ប្រភេទធូរថ្លៃ ត្រូវបានគេអះអាងថានឹងមានតម្លៃត្រឹម ៨០០ដុល្លារ ប៉ុណ្ណោះ ដែលនេះនឹងធ្វើឲ្យវាក្លាយជាម៉ូដែលដ៏ទាក់ទាញមួយ។ ចំពោះឈ្មោះរបស់វា នៅមិនទាន់មានប្រភពណាបានលើកឡើងនោះទេ ប៉ុន្តែគេចំណាំថា Samsung តែងប្រើឈ្មោះ FE លើម៉ូដែលធូរថ្លៃរបស់ខ្លួន។
ដើម្បីទទួលបានតម្លៃធូរថ្លៃ Galaxy Z Fold6 ប្រភេទធូរថ្លៃ អាចនឹងប្រើប្រាស់អេក្រង់ធូរថ្លៃ បន្ទះឈីបធូរថ្លៃ និងមានថ្មទំហំតូចជាង Galaxy Z Fold6 ធម្មតាផងដែរ ខណៈកាមេរ៉ាអាចនឹងស្រដៀងដូចមាននៅលើ Galaxy Z Fold5។
ចំណែកទីផ្សារស្មាតហ្វូនបត់របស់ Samsung បានថយចុះពី ៦៦,៤% មកនៅត្រឹម ៦០,៤% ដែលរំពឹងថានឹងបន្តថយចុះមួយកម្រិតទៀតនៅត្រីមាសទីពីរនៃឆ្នាំ២០២៤នេះ៕