Samsung បានប្រកាសចេញជាផ្លូវការនូវស្មាតហ្វូនលំដាប់ថវិកា Galaxy A55 5G និង Galaxy A35 5G ដែលម្ដងនេះវាមានចំណុចដូចគ្នាច្រើន។
ចាប់ផ្ដើមពីចំណុចអេក្រង់ ស្មាតហ្វូនទាំងពីរប្រើអេក្រង់ដូចគ្នាបេះដាក់គឺជាអេក្រង់ ៦,៦អ៊ីញ ប្រភេទ Super AMOLED 120Hz ដែលបង្ហាញរូបភាពកម្រិត 1080x2340px។ អេក្រង់នេះការពារដោយបន្ទះការពារ Gorilla Glass Victus+ ដែលធន់នឹងការឆ្កូតពីរដង បើធៀបនឹងអេក្រង់ Gorilla Glass 5 លើ Galaxy A54 និង Galaxy A34។ ពួកវាទាំងពីរក៏មានថ្មទំហំ 5000mAh ដូចគ្នា និងគាំទ្រការសាកថ្មកម្លាំង 25W ផងដែរ។
សម្រាប់ Galaxy A55 5G មានប្រើឈីប Exynos 1480 អមនឹង RAM 8GB/12GB និងអង្គផ្ទុក 128GB/256GB ខណៈ Galaxy A35 5G ប្រើប្រាស់ឈីប Exynos 1380 ដែលបានប្រើលើ Galaxy A54 និងមាន RAM 6GB/8GB ជាមួយអង្គផ្ទុក 128GB/256GB។
Galaxy A55 5G ប្រើប្រាស់កាមេរ៉ា Selfie ទំហំ 32MP និងកាមេរ៉ាក្រោយមានកាមេរ៉ាគោល 50MP, កាមេរ៉ា Ultrawide 12MP និងកាមេរ៉ា Macro 5MP។ ចំណែក Galaxy A35 5G ប្រើកាមេរ៉ាមុខ 13MP, កាមេរ៉ាគោល 50MP, កាមេរ៉ា Ultrawide 12MP និងកាមេរ៉ា Macro 5MP។
Samsung សន្យាថានឹងផ្ដល់ការអាប់ដេត OS ចំនួន៤ជំនាន់ និងអាប់ដេតសុវត្ថិភាពរហូតដល់ ៥ឆ្នាំ។ សម្រាប់តម្លៃ Galaxy A55 5G មានតម្លៃចាប់ពីប្រមាណ ៥២៤ដុល្លារ និង Galaxy A35 5G មានតម្លៃចាប់ពីប្រមាណ ៤១៥ដុល្លារ៕