ក្រុមហ៊ុន Apple កំពុងត្រៀមប្រកាសចេញកុំព្យូទ័រ MacBook ទំហំ ២០អ៊ីញ ជាមួយអេក្រង់អាចបត់បាន ដោយគេអាចនឹងឃើញក្នុងពេលប្រមាណ ៣ឆ្នាំទៀត។ នេះបើតាមអ្នកវិភាគជើងចាស់ Ming-Chi Kuo។
ពាណិជ្ជកម្ម
ការបង្ហោះលើបណ្ដាញ X របស់អ្នកវិភាគរូបនេះបានសរសេរថា ៖ “ផលិតផលបទអេក្រង់តែមួយគត់របស់ Apple ដែលមានកាលវិភាគអភិវឌ្ឍន៍ច្បាស់លាស់នោះគឺ កុំព្យូទ័រ MacBook ទំហំ ២០,៣អ៊ីញ ដែលរំពឹងថានឹងផលិតទ្រង់ទ្រាយធំនៅឆ្នាំ២០២៧។”
អ្នកវិភាគ Kuo គឺជាប្រភពទីបី ដែលបានលើកឡើងពីកុំព្យូទ័រ MacBook ទំហំ ២០អ៊ីញ ដោយកន្លងមកដំណឹងនេះបានលេចចេញពីអ្នកវិភាគឧស្សាហកម្មអេក្រង់ Ross Young និងវិបសាយកូរ៉េខាងត្បូង The Elec។
កុំព្យូទ័រ MacBook អេក្រង់ធំជាងគេដែល Apple កំពុងមានលក់គឺ MacBook Pro ១៦អ៊ីញ ហើយពីមុនមក Apple ធ្លាប់លក់ MacBook Pro ១៧អ៊ីញ ប៉ុន្តែបានឈប់ផលិតកាលពីឆ្នាំ២០១២៕