ហេតុផលទាំងនេះហើយ ទើបម្ចាស់ Vision Pro យកវាទៅដូរយកលុយពី Apple វិញ

ថ្ងៃសុក្រសប្ដាហ៍កន្លងទៅ គឺជាថ្ងៃកំណត់រយៈពេល ១៤ថ្ងៃ ដែលម្ចាស់ Vision Pro អាចយកឧបករណ៍នេះទៅដូរប្រាក់ពី Apple វិញ។

នៅថ្ងៃកំណត់នេះ គេបានឃើញម្ចាស់ Vision Pro មួយចំនួនបានយកឧបករណ៍នេះមកកាន់ហាង Apple ដោយនៅតាមសាខាខ្លះមានអ្នកដូរ ២នាក់ក្នុងមួយថ្ងៃ និងសាខាខ្លះទៀតមានច្រើនរហូតដល់ ៨នាក់។

ពាណិជ្ជកម្ម

បើតាមបុរស Mark Gurman ដែលបានជួបជាមួយជាច្រើនដែលយក Vision Pro មកដូរយកប្រាក់វិញនោះ គេបានដឹងអំពីមូលហេតុជាច្រើន ដែលម្ចាស់ Vision Pro សម្រេចចិត្តយកឧបករណ៍មកដូរ។

១. ឧបករណ៍មានទម្ងន់ធ្ងន់ពេក ពិបាកក្នុងការទុកដាក់ ឈឺក្បាល និងពាក់មិនស្រណុក

២. កម្មវិធីមិនសូវមានច្រើន ហើយមាតិកាវីដេអូក៏មានមិនច្រើន មិនសមនឹងតម្លៃដ៏ខ្ពស់របស់វា

៣. មុខងារធ្វើការមិនបានជួយឲ្យមនុស្សជាច្រើនកើនឡើងផលិតកម្មការងារនោះទេបើធៀបនឹងការប្រើត្រឹម Monitor បន្ថែមមួយទៀតជាមួយកុំព្យូទ័រ Mac ហើយការប្រើរយៈពេលយូរក៏មិនផ្ដល់ភាពស្រណុលស្រួលផងដែរ

៤. មុំនៃរូបភាពដែលបង្ហាញចេញមកមានទំហំតូចពេក ហើយឧបករណ៍នេះក៏បង្កឲ្យឈឺភ្នែក និងប៉ះពាល់ដល់ចក្ខុផងដែរ

៥. ឧបករណ៍នេះធ្វើឲ្យអ្នកប្រើមានអារម្មណ៍ដាច់ឆ្ងាយពីគ្រួសារ និងមិត្តភក្តិ ហើយវាក៏ពិបាកនឹងចែកឲ្យអ្នកផ្សេងប្រើ ព្រោះតែទំហំផលិតមកគឺតម្រូវតាមអ្នកប្រើម្នាក់ៗ