បច្ចុប្បន្ន រូបិយបណ្ណគ្រីតូ ឬលុយឌីជីថល ទទួលបានការចាប់អារម្មណ៍ពីមហាជន ត្បិតកំពូលកាក់គ្រីបតូដ៏ល្បីមួយ គឺ BTC ឬ Bitcoin មានតម្លៃប្រមាណ ៤២០០០ដុល្លារ ឯណោះ ក្នុង ១កាក់។ ប៉ុន្ដែយ៉ាងណា ក្នុងក្រសែភ្នែករបស់ មហាសេដ្ឋិពិភពលោក លោក Bill Gates បែរជាយល់ឃើញផ្សេងពីមហាជន ដែលកំពុងចាប់អារម្មណ៍ និងកំពុងវិនិយោគយ៉ាងផុសផុរ។
លោក Bill Gates ក៏បានលើកជាឧទាហរណ៍ថា Elon Musk មានលុយច្រើនរាប់ពាន់លានដុល្លារ ត្បិតគាត់មិនបារម្ភ ប៉ុន្ដែចំពោះអ្នកមានលុយតិចត្រូវប្រុងប្រយ័ត្នឱ្យមែនទែន។ នេះបើយោងទៅតាមបទសម្ភាសមួយដែល Bill Gates ធ្លាប់បានសម្ភាសជាមួយ Bloomberg កន្លងមក។
ការលើកឡើងនេះដែរ ត្បិត Elon Musk កន្លងមក លោកត្រូវបានទទួលការចាប់អារម្មណ៍យ៉ាងខ្លាំងក្នុងវិស័យគ្រីបតូ។ គួរដឹងថា Bitcoin ទាមទារឱ្យមានការប្រើប្រាស់ថាមពលអគ្គិសនីច្រើន ត្បិតវាត្រូវការម៉ាស៊ីនកុំព្យូទ័រធំៗ និងមានកម្លាំងៗខ្លាំង នៅច្រើនកន្លែងលើពិភពលោក ដើម្បីផ្ទៀងផ្ទាត់ និងទូទាត់រាប់លុយគ្រីបតូ ដែលមាននៅលើពិភពលោក៕