កាលពីខែវិច្ឆិកា ២០២៣ កន្លងទៅ សហភាពអឺរ៉ុប បញ្ចេញបទបញ្ញត្តិថ្មីតម្រូវឱ្យ iPhone អាចទាញយកកម្មវិធីដែលនៅខាងក្រៅពី App Store បាន ហើយមកដល់ពេលនេះ មានរបាយការណ៍ថ្មីបង្ហាញថា ការតម្លើងកម្មវិធី ឬហ្គេមក្រៅពី App Store នោះ នឹងត្រូវឱ្យ Developer បង់ថ្លៃជាមុនសិនមកកាន់ Apple ដែលការបង់នេះមិនប៉ះពាល់ដល់អ្នកប្រើនោះទេ។
ហេតុផលដែល Developers មានបំណង់ដាក់ កម្មវិធី ឬហ្គេម នៅខាងក្រៅ App Store បែបនេះ ត្បិតការដាក់ឱ្យទាញយកលើ App Store តម្រូវឱ្យបង់លុយថ្លៃសេវា និងចែកចំណូលទៅឱ្យ Apple ផងដែរ។
យ៉ាងណា បទបញ្ញត្តិនេះ ត្រូវបាន Apple មើលឃើញថា ធ្វើឱ្យប៉ះពាល់ដល់ការការពារឯកជនភាព និងសុវត្ថិភាព ដែលអ្នកប្រើប្រាស់ iPhone ជឿទុកចិត្តកន្លងមក និងអាចឈានទៅដល់ ការងាយរងគ្រោះទៅនឹងមេរោគ ការបោកប្រាស់ ការតាមដានទិន្នន័យ និងបញ្ហាផ្សេងៗទៀត។ តែបទបញ្ញតិ្តនេះ ត្រូវបានគេមើលឃើញថា នឹងមានឥទ្ធិពលយ៉ាងខ្លាំងទៅលើ Platform របស់ Apple ហើយវាអាចនាំឱ្យ Apple ធ្វើការផ្លាស់ប្តូរយ៉ាងធំទៅលើ App Store, Messages, FaceTime, Siri និងអ្វីផ្សេងច្រើនទៀត។
បន្ថែមពីនេះ បើ Apple មិនគោរពតាមបទបញ្ញតិ្តនេះ គឺប្រឈមនឹងការផាកពិន័យរហូតដល់ ២០% នៃប្រាក់ចំណូលសកលរបស់ខ្លួនទៀតផង៕