វាមិនមែនជារឿងធម្មតានោះទេ ដែលស្មាតហ្វូនអាចថតវីដេអូបានដល់ទៅ ៥ម៉ោង ២០នាទី ត្បិតការថតវីដេអូធ្វើឱ្យស្មាតហ្វូនទូទៅក្ដៅ ហើយក៏ឆាប់អស់ថ្មផងដែរ ប៉ុន្ដែ iPhone 15 Plus ដែល Apple បង្ហាញក្នុងវីដេអូពាណិជ្ជកម្មួយនេះធ្វើបាន។
ក្នុងសាច់រឿងវីដេអូពាណិជ្ជកម្មរបស់ iPhone 15 Plus នេះបានបង្ហាញពី ក្មេងប្រុសម្នាក់ បង្ហាញក្បាច់ដៃវ៉ៃបំបាក់ផ្ទាំងឈើតូចៗ ដែលមានមនុស្សប្រុសចំណាស់ម្នាក់ឈរថតវីដេអូ ដែលការថតតាំងពីមេឃភ្លឺ ដល់មេឃងងឹត ប្រមាណ ៥ម៉ោង ២០នាទី ដោយប្រើ iPhone 15 Plus។
គួរដឹងថា iPhone 15 Plus ជាស្មាតហ្វូនដែលមានថ្មកាន់ជាងគេបង្អស់របស់ Apple ដោយអេក្រង់ 60Hz ស៊ីមថាមពលតិចផង ឈីបរាងទាបបន្តិច និងមានថ្មធំ 4383 mAh ទើបធ្វើឱ្យថ្មរបស់វាអាចប្រើបានយូរជាងម៉ូឌែល iPhone 15 Pro Max ទៅទៀត។
សូមបញ្ជាក់ថា iPhone 15 Plus ជាស្មាតហ្វូនអេក្រង់ធំ ៦,៧អ៊ិញ មានឆកកោះ Dynamic Island មានកាមេរ៉ា 48MP Main និង 2x Telephoto វាថែមទាំងមានរន្ធសាកថ្ម និងរន្ធផ្ទេរទិន្ន័យ USB-C ថែមទៀតផង៕