ស្មាតហ្វូនហ្គេម Asus ROG Phone 8 ត្រូវបានរចនាឡើងវិញ ដោយស្តើង និងស្រលជាងមុន គឺកម្រាស់ 8.9mm និងទម្ងន់ 225g។ វាមានអេក្រង់ 6.78inch និងគែមអេក្រង់ខ្លី ជាអេក្រង់ 165Hz refresh rate បច្ចេកវិទ្យា LTPO និងពន្លឺ 2500 nits។
ទោះជាស្មាតហ្វូនហ្គេម តែវាមានអាវក្រុះការពារទឹកនិងធូលី IP68 និងមានប្រព័ន្ធត្រជាក់ម៉ាស៊ីនកាន់តែប្រសើរជាងមុន។ ស្មាតហ្វូននេះបំពាក់ដោយ ឈីប Snapdragon 8 Gen 3 និងអាច Confiture ឡើងដល់ 24GB LPDDR5X RAM និងទំហំផ្ទុក 1TB UFS 4.0 ដោយ base configuration គឺ 12/256GB និង 16/512GB។ វាមានថាមពលថ្ម 5500mAh អាចសាកកម្លាំង 15W Qi មិនប្រើខ្សែ និងសាកតាមខ្សែ 65W HyperCharge សាកពី 0-100% ចាយពេលត្រឹម 39នាទី។
វាមានកាមេរ៉ា 50MP main, 13MP 120° ultra wide និង 3x telephoto lens 32MP ចំពោះម៉ូឌែល Pro ចំណែកម៉ូឌែលធម្មតា មានលែន macro ជំនួសឱ្យលែន tele។ រីឯកាមេរ៉ាមុខ 32MP។
Asus ROG Phone 8 មានពីរពណ៌ គឺ Phantom Black និង Rebel Grey វាមានភ្លើង RGB backlit ROG logo នៅពីក្រោយ រីឯ ROG Phone 8 Pro និង Pro Edition មានតែពណ៌ Phantom Black និងភ្លើង OLED display តូចមួយនៅពីក្រោយផងដែរ។
– ROG Phone 8 ចាប់ផ្ដើមពីតម្លៃ $1099
– ROG Phone 8 Pro ចាប់ផ្ដើមពីតម្លៃ $1310
– ROG Phone 8 Pro Edition ចាប់ផ្ដើមពីតម្លៃ $1640