មកដល់ថ្ងៃនេះទូរសព្ទ Flagship គេមិនហាក់មិនឃើញពី Motorola នោះទេ ឃើញតែម៉ូឌែលធម្មតា។ ជាក់ស្ដែងដូចជាម៉ូឌែល Moto G34 នេះ ទើបប្រកាសចេញនៅទីផ្សារប្រទេសចិន។
Moto G34 ជាម៉ូឌែលអេក្រង់ 6.5-inch IPS LCD 120Hz ប្រើឈីប Snapdragon 695 មានកាមេរ៉ា 50MP ជាលែនគោល និងកាមេរ៉ា Selfie 16MP។ វាមានថាមពលថ្ម 5000 mAh ទ្រទ្រង់កម្លាំងសាក 18W និងរត់ដោយ Android 14 ស្រោបដោយ Moto MYUI 6.0 ចេញពីប្រអប់ស្រាប់។
ពាណិជ្ជកម្ម
ម៉ូឌែលទាបនេះ មាន speakers ពីរគ្រាប់និងមុខងារ Dolby Atmos។ វាមាន RAM 8 ទំហំផ្ទុក 128GB និងដាក់ microSD card បន្ថែមបាន។ Moto G34 មានពីរព័ណ៌គឺខ្មៅ និងខៀវ ដោយមានតម្លៃ ១៤០ដុល្លារ សម្រាប់ទីផ្សារប្រទេសចិន នាថ្ងៃទី២៨ ខែធ្នូ ឆ្នាំ២០២៣៕