ឆ្នាំ2024 Apple គ្រោងបញ្ចេញ AirPods ជំនាន់ទី 4 នេះបើយោងទៅតាមលោក លោក Mark Gurman មកពីសារព័ត៌មាន Bloomberg។
វាអាចនឹងមានរូបរាងមិនសូវខុសពីម៉ូឌែលមុននោះឡើយ ត្បិតការឌីហ្សាញនឹងនៅចន្លោះរវាង AirPods និង AirPods Pro ដោយមានតួខ្លួនកាសរាងខ្លី។ Apple អាចនឹងបន្ថែម រន្ធបំពងសំឡេងសម្រាប់រោទ៍ពេលប្រើមុខងារ Find My។
ពាណិជ្ជកម្ម
វានឹងប្រើរន្ធសាកថ្មី USB-C និងកាន់តែពិសេសគឺមានមុខងារទប់សំឡេងរំខាន Active Noise Cancellation ផងដែរ។
លើសពីនេះកាសថ្មីនេះនឹងមាន បន្ថែមមុខងារជំនួយការស្តាប់ over-the-counter (OTC) ជំនួសអ្នកខ្សោយការស្ដាប់ ខណៈពួកគេធ្លាប់តែប្រើឧបករណ៍បែបបុរាណ។
Apple ក៏មានគម្រោងផ្តល់ជូន នូវការធ្វើតេស្តស្តាប់ ដែលនឹងប្រាប់អ្នកប្រើប្រាស់ AirPods ប្រសិនបើពួកគេកំពុងជួបប្រទះការថយចុះការស្ដាប់។
AirPods 4 នឹងចេញលក់នៅឆ្នាំ២០២៤ អំឡុងខែកញ្ញា នៅពេលដែល Apple បង្ហាញម៉ូដែល iPhone ថ្មី៕
