Pro Display XDR ជាម៉ូនីទ័រប្រើអេក្រង់កម្រិតខ្ពស់ ដែល Apple បានបញ្ចេញកាលពីថ្ងៃទី១០ ខែធ្នូ ឆ្នាំ២០១៩ ដោយមកដល់ពេលនេះ វាមានអាយុ ៤ឆ្នាំ ទៅហើយ។ តើពេលណាទើបមានការអាប់ឌែតបន្ថែម ថ្ងៃនេះយើងនឹងប្រមូលពាក្យចចាមអារ៉ាមទាំងអស់ប្រាប់អ្នកទាំងអស់គ្នា។
កាលពីខែធ្នូ ឆ្នាំ២០២២ លោក Mark Gurman អ្នកនាំពាក្យជាន់ខ្ពស់មកពី Bloomberg បាននិយាយថា Apple កំពុងធ្វើការលើម៉ូនីទ័រថ្មីជាច្រើន រួមទាំងការអាប់ដេតម៉ូនីទ័រ Pro Display XDR ដែលបំពាក់ដោយបន្ទះឈីបស៊ីលីកុន Apple។ ចំណែកនៅខែកក្កដា ឆ្នាំ២០២៣ ប្រភពដដែលបានរំលឹកឡើងវិញថា Apple នៅតែធ្វើការលើម៉ូនីទ័រជំនាន់ក្រោយជាច្រើន ដែលត្រៀមបញ្ចេញ នៅដើម ឆ្នាំ២០២៤។
ក៏មានដំណឹងបន្ថែមផ្សេងទៀតលើកឡើងថា វាអាចនឹងបំពាក់ កាមេរ៉ា webcam, speakers និងមានកម្រិត refresh rate ខ្ពស់ថែមទៀតផង។ គួរបញ្ចាក់ថា Pro Display XDR បច្ចុប្បន្ន ប្រើខ្នាតអេក្រង់ 32-inch មាន LED backlighting, កម្រិតបង្ហាញ 6K resolution, 60Hz refresh rate, Thunderbolt 3 មាន១រន្ធ, និង៣រន្ធ USB-C ports និងមានតម្លៃលក់ ៤៩៩៩ដុល្លារ និងជើងទ្រអេក្រង់លក់ផ្សេង តម្លៃ ៩៩៩ដុល្លារ៕