Rockstar Games ទើបបញ្ចេញ Trailer 1 នៃ GTA 6 ឬ Grand Theft Auto VI ដែលមិនទាន់បានមួយថ្ងៃស្រួលបួលផង ទើបតែដប់បួនម៉ោងប៉ុណ្ណោះ មានអ្នកទស្សនារហូតដល់ ៦៣លានដង បាត់ទៅហើយ។
ពាណិជ្ជកម្ម
បើសង្កេតឈុតខ្លះនៃវីដេអូខ្លីនេះ កាន់តែពិសេសជាងរាល់ដង គឺមានបេសកកម្មជាតួអង្គមនុស្សស្រី ក្រៅពីនេះក្នុងផែនទីថ្មី យើងឃើញមានប្លង់ទេសភាពស្អាតៗ រីឯឡានម៉ូតូក៏ទំនើបៗ ពិសេសចំពោះចលនា animation មិនថាមនុស្ស និងតួអង្គផ្សេងៗ ឃើញថាបានវិវត្តសឹងតែដូចមនុស្សមែនទែនតែម្ដង។
យ៉ាងណា ក្នុងចុងបញ្ចប់វីដេអូខ្លីនេះ Rockstar Games បានបន្ថែមថា ហ្គេមនេះនឹងមកដល់នា ឆ្នាំ២០២៥។ បើទោះនៅយូរទៀតមែន ក៏អាចជាដំណឹងល្អមួយ ដ្បិតកន្លងមកដំណឹងពី GTA 6 តែងត្រូវបានលាក់ជិតឈឹង៕