ឡាន McLaren F1 គ្រាន់តែប្ដូរកញ្ចក់មុខមួយសោះ អស់ជាង ៣ម៉ឺនដុល្លារ

[ទីផ្សារបរទេស] រថយន្ត McLaren F1 ត្រូវបានគេដឹងថាជារថយន្តដ៏ថ្លៃមួយដែលមានតម្លៃរាប់សិបលានដុល្លារ ហើយអ្វីដែលគួរចាប់អារម្មណ៍នោះ សូម្បីតែការថែទាំរថយន្តនេះក៏មានតម្លៃថ្លៃផងដែរ។ ជាក់ស្ដែងគ្រាន់តែប្ដូរកញ្ចក់ខាងមុខមួយ ម្ចាស់រថយន្តត្រូវចាយ ៣៣ ០០០ដុល្លារ។

ពាណិជ្ជកម្ម

ព័ត៌មានអំពីតម្លៃជួសជុល ត្រូវបានលេចឡើងនៅពេលដែលម្ចាស់រថយន្ត McLaren F1 ចំនួនពីររូប បានជួបប្រទះនឹងបញ្ហាប្រេះកញ្ចក់ខាងមុខនៃរថយន្ត នៅអំឡុងកម្មវិធីប្រកួត Velocity Invitational នៅរដ្ឋកាលីហ្វ័រញ៉ា។

ប្រភពដែលដឹងច្បាស់អំពីការប្ដូរកញ្ចក់ឲ្យរថយន្ត McLaren F1 បានបញ្ជាក់ឲ្យដឹងថាតម្លៃនៃកញ្ចក់រថយន្តតែឯងគឺមានតម្លៃ ២៥ ០០០ដុល្លារ ហើយ ៨ពាន់ដុល្លារទៀត គឺជាថ្លៃនៃការជួសជុល។ នេះមានន័យថារថយន្ត McLaren F1 ទាំងពីរគ្រឿង ត្រូវចំណាយថ្លៃជួសជុលសរុប ៦៦ ០០០ដុល្លារ៕

ប្រភព