វៀតណាម ស្ថិតក្នុងចំណោមប្រទេសមានសេដ្ឋកិច្ចរីកចម្រើនលឿនបំផុតលើលោក ក្នុងឆ្នាំ ២០២០

ធនាគារពិភពលោកបាននិយាយថា ជាមួយនឹងកំណើន GDP ចំនួន ២,៨ ភាគរយ ប្រទេសវៀតណាមបានស្ថិតក្នុងចំណោមប្រទេសដែលមានកំណើនសេដ្ឋកិច្ចលឿនបំផុត នៅលើពិភពលោក ដែលកំពុងរងគ្រោះដោយសារតែជំងឺកូវីដ១៩ នៅឆ្នាំនេះ។

ពាណិជ្ជកម្ម

យោងតាមរបាយការណ៍របស់ធនាគារពិភពលោក បានឲ្យដឹងថា ប្រទេសនេះនឹងក្លាយជាប្រទេសមួយក្នុងចំណោមប្រទេសចំនួន ៣ នៅក្នុងទ្វីបអាស៊ី ដែលនឹងមានកំណើនវិជ្ជមាននៅឆ្នាំនេះ ខណៈប្រទេសផ្សេងទៀតគឺ ប្រទេសចិន និងប្រទេសមីយ៉ាន់ម៉ា។

ដោយឡែក សេដ្ឋកិច្ចរបស់ប្រទេសផ្សេងទៀតនឹងធ្លាក់ចុះ ដូចជា ថៃ និងហ្វីលីពីន ទំនងជាធ្លាក់ចុះ ៧,១ ភាគរយ និង ៨,៣ ភាគរយឯណោះ។

បើទោះបីជាកំណើនសេដ្ឋកិច្ចចំនួន ២,៨ ភាគរយរបស់វៀតណាម ទាបជាងឆ្នាំមុន (៧ ភាគរយ) ក៏ដោយ ក៏ប្រទេសនេះនៅតែជាចំណុចលេចធ្លោដដែល ខណៈដែលសេដ្ឋកិច្ចពិភពលោកនឹងធ្លាក់ចុះ ៤,៤ ភាគរយ។

គួរឲ្យដឹងថា ប្រទេសវៀតណាមអាចទទួលបានកំណើនសេដ្ឋកិច្ចវិជ្ជមាននេះ ដោយសារការខិតខំប្រឹងប្រែងប្រកបដោយប្រសិទ្ធភាព ដើម្បីទប់ទល់នឹងការផ្ទុះឡើងនៃជំងឺកូវីដ១៩៕