គណៈរដ្ឋមន្រ្តីថៃ អនុញ្ញាតការផ្តល់ជំនួយសង្គ្រោះ សម្រាប់អ្នកអត់ការងារធ្វើ

អ្នកនាំពាក្យរដ្ឋាភិបាលថៃ លោកស្រី Rachada Dhnadirek បាននិយាយកាលពីថ្ងៃអង្គារថា គណៈរដ្ឋមន្រ្តីបានយល់ព្រមលើសំណើរបស់ក្រសួងការងារ ក្នុងការផ្តល់សំណងដល់អ្នកជាវមូលនិធិសន្ដិសុខសង្គម (SSF) ដែលបានបាត់បង់ការងារដោយសាររោគរាតត្បាតកូវីដ១៩។

យោងតាមសំណើនេះ កម្មករដែលមានធានារ៉ាប់រងនឹងទទួលបានប្រាក់ ៥០% នៃប្រាក់ឈ្នួលប្រចាំថ្ងៃរបស់ពួកគេ ដោយផ្អែកលើប្រាក់ខែអតិបរមា ១៥ ០០០ បាតក្នុងរយៈពេលអតិបរមា ៩០ ថ្ងៃ។ គម្រោងនេះបានចូលជាធរមាន នៅថ្ងៃទី ១៩ ខែធ្នូ ឆ្នាំ២០២០។

ពាណិជ្ជកម្ម

វិធានការនេះមានគោលបំណងកាត់បន្ថយការលំបាករបស់កម្មករដែលមានធានារ៉ាប់រង នៅតាមខេត្តដែលមានហានិភ័យខ្ពស់ ដូចជា Samut Sakhon, Samut Songkhram, Nakhon Pathom, Nonthaburi និង Bangkok បន្ទាប់ពីការផ្ទុះឡើងនៃកូវីដ១៩។

គួរឲ្យដឹងថា ចំនួនកម្មករដែលមានធានារ៉ាប់រងនៅតាមបណ្តាខេត្តទាំងនេះ ត្រូវបានប៉ាន់ប្រមាណថាមានចំនួន ៥,៧ លាននាក់ ហើយគម្រោងផ្តល់ជំនួយសង្គ្រោះ ត្រូវបានប៉ាន់ប្រមាណថា នឹងចំណាយថវិកាប្រមាណ ៥ ពាន់លានបាត៕