iPad Pro 2022 អេក្រង់ ១១អ៊ិញ ជាម៉ូឌែលកប់មួយទៅហើយ លើទីផ្សារគិតត្រឹមថ្ងៃនេះ ប៉ុន្ដែវាមានតម្លៃថ្លៃគួរសមដែរ គឺទីផ្សារក្នុងស្រុកយើងប្រមាណ ៨៣០ដុល្លារ ប៉ុន្ដែបើយើងស្ទើរលុយ ហើយអាចកាត់ចិត្តនឹង អេក្រង់ 120Hz កាត់ចិត្តពីកាមេរ៉ាពីរគ្រាប់ និងគិតថា បន្ទះឈីប M1 ក៏ខ្លាំងមិនចាញ់ឈីប M2 នោះ iPad Air 5 គឺសក្តិសមហើយសម្រាប់អ្នក។
iPad Air 5 ពេលនេះក៏ធូរថ្លៃផងដែរ វាមានតម្លៃនៅត្រឹម ៥៨០ដុល្លារ សម្រាប់ម៉ូឌែល WiFi។ វាក៏ប្រើខ្នាតអេក្រង់ដូចម៉ូឌែល Pro ខាងលើ និងបំពាក់ដោយបន្ទះឈីបខ្លាំង Apple M1 មានកាមេរ៉ាក្រោយ 12MP និងថាមពលថ្មប្រើដល់ ១០ម៉ោង ថែមទៀតផង។
ពាណិជ្ជកម្ម
គួរបញ្ជាក់ថា iPad Air 5 បានប្រកាសចេញកាលពី ខែមីនា ឆ្នាំ២០២២ ជាមួយតម្លៃ ៥៩៩ដុល្លារ តម្លៃទីផ្សារប្រទេសក្រៅ។ វាក៏ផលិតមក ជាមួយជម្រើសពណ៌ស្រស់ផងដែរ គឺពណ៌ប្រផេះ ស ផ្កាឈូក ស្វាយ និងពណ៌ខៀវ៕