នៅព្រឹកថ្ងៃទី ១៤ ធ្នូ ឆ្នាំ២០២១ កន្លងទៅនេះ ហាងលក់ទំនិញ និងផ្សារទំនើប AEON Vietnam ថ្មីមួយទៀត បានបើកសម្ភោធជាផ្លូវការ ដោយស្វាគមន៍អតិថិជនរាប់ពាន់នាក់។
ពាណិជ្ជកម្ម
គួរឲ្យដឹងថា វាគឺជាផ្សារទំនើបដំបូងបង្អស់របស់ AEON Vietnam ដែលមានទីតាំងនៅទីក្រុង Hai Phong ហើយក៏ជាផ្សារទំនើបធំជាងគេ នៅទីក្រុងកំពង់ផែនេះ ដោយមានផ្ទៃដីសរុបជាង ១៨ ៨០០ ម៉ែត្រការ៉េ ជាមួយនឹងផលិតផលរាប់ម៉ឺនមុខ។
AEON Vietnam ប៉ាន់ស្មានថា មានភ្ញៀវទេសចររាប់ពាន់នាក់ និងគ្រប់វ័យ ចូលមកនៅថ្ងៃបើកដំណើរការរបស់ខ្លួន។ ក្នុងនោះ កន្លែងលក់អាហារស្រស់ បានទាក់ទាញអតិថិជនច្រើនជាងគេ ជាពិសេសគឺស្ត្រីមេផ្ទ ព្រោះវាមានផ្តល់នូវផលិតផលជាច្រើនប្រភេទ ចាប់ពីផ្លែឈើ និងបន្លែ ជាដើម។
គួរឲ្យដឹងថា ផ្សារទំនើប AEON នៅក្នុងប្រទេសវៀតណាម បច្ចុប្បន្ននេះមានចំនួនសរុប ៥ កន្លែង៕
