បន្ទាប់ពីបញ្ចេញ Mate 60 និង Mate 60 Pro ពេលនេះ Huawei បានបញ្ចេញនូវម៉ូដែលកំពូលក្នុងត្រកូល Huawei Mate 60 Pro+ ដែលវាមានលទ្ធភាពមិនធម្មតា អាចភ្ជាប់ទៅកាន់ផ្កាយរណប ដោយអាចផ្ញើសារលើ BeiDou ជាផ្កាយរណបនៃប្រព័ន្ធរុករកក្នុងតំបន់ពិសោធន៍របស់ចិន និងអាចខលជាសំឡេងលើ ផ្កាយរណប Tiantong ដែលជាប្រព័ន្ធផ្កាយរណបទំនាក់ទំនងចល័តដំបូងគេរបស់ប្រទេសចិន។
ទូរសព្ទនេះមិនទាន់ដាក់តម្លៃតម្លៃនៅឡើយទេ តែគេរំពឹងថា វាអាចនឹងចាប់ផ្ដើមពីតម្លៃ១២០០ដុល្លារឡើងទៅ។
Huawei Mate 60 Pro+ ប្រើបន្ទះឈីប Kirin 9000s ផលិតដោយចិនផ្ទាល់ ដោយមានជម្រើស RAM 12GB ឬ 16GB និងទំហំផ្ទុក 512GB ឬ 1TB។
វាមានទំហំអេក្រង់ 6.82 អ៊ិញ ជាប្រភេទ LTPO OLED និងកម្រិតបង្ហាញ 1260 x 2720 ភិចស៊ែល មានកម្រិត refresh rate 120Hz។ អេក្រង់នេះនឺបន្តបំពាក់អេក្រង់រឹងមំ Kunlun ជំនាន់ទី 2 និងអមដោយកម្រិតការពារស្ដង់ដារ IP68។
ចំណែកកាមេរ៉ា វាប្រើលែន 48MP ជាលែនគោល លែន periscope 48MP និងលែន ultra wide 40MP រីឯកាមេរ៉ាខាងមុខមានទំហំ 13MP។ Huawei Mate 60 Pro+ បំពាក់ថាមពថលថ្ម5000mAh៕
