ព្រោះតែភាពងាយស្រួល មនុស្សចូលចិត្តផ្ញើសារជាសំឡេង ជំនួសដោយការវាយតួអក្សរតាមក្ដារចុច។ ប៉ុន្ដែបើអ្នកមាន ៣ កម្មវិធីនេះ នោះនឹងជួយអ្នកបានច្រើន ត្បិតវាបម្លែងពីសំឡេងទៅជាតួអក្សរភាសាខ្មែរបានយ៉ាងងាយ កុំថាឡើយផ្ញើសារ សូម្បីអត្ថបទវែងៗ គ្រាន់តែអាននឹងក្លាយទៅជាតួអក្សរបានភ្លាម។ កម្មវិធីទាំងនេះរួមមាន៖
១. កម្មវិធី Khmer ASR ប្រើបច្ចេកវិទ្យាទំនើប AI បម្លែងសំឡេងទៅជាតួអក្សរខ្មែរ។ កម្មវិធីនេះបង្កើតឡើងដោយ បណ្ឌិត្យសភាបច្ចេកវិទ្យាឌីជីថល (CADT) នៃក្រសួងប្រៃសណីយ៍ និងទូរគមនាគមន៍។
Khmer ASR អាចដំណើរការបាន ទាំងលើ ប្រព័ន្ធប្រតិបត្តិការ iOS និង Android។
២. កម្មវិធី Google Keep ក៏ជាកម្មវិធីបម្លែងសំឡេងទៅជា តួអក្សរខ្មែរផងដែរ និងមានសមត្ថភាពអាចបម្លែងទៅជាតួអក្សរភាសាផ្សេងៗទៀត។
Google Keep អាចប្រើប្រាស់បាន ទាំងលើ iOS និង Android។
៣. កម្មវិធីក្ដារចុច Gboard ជាមុខងារតូចមួយ សម្រាប់ដាក់បញ្ចូលលើក្ដារចុចនៃទូរសព្ទជាច្រើន និងអាចឱ្យក្ដារចុចស្ដាប់សំឡេង បម្លែងចេញជាតួអក្សរទៅតាមការកំណត់ ដោយប្រើក្ដារចុចភាសាខ្មែរនឹងបម្លែងសំឡេងចេញភាសាខ្មែរ ប្រើក្ដារចុចភាសាអង់គ្លេសនឹងបម្លែងចេញជាតួអក្សរអង់គ្លេស។
កម្មវិធី Gboard អាចប្រើប្រាស់បានទាំងលើ iOS និង Android។