វាហាក់បីដូចជា Apple នឹងចែកចាយកុំព្យូទ័រ Mac របស់ជាមួយអេក្រង់ Touchscreen នេះបើយោងតាមលោក Mark Gurman របស់ Bloomberg បានរាយការណ៍ថា “វិស្វករ Apple បានចូលរួមយ៉ាងសកម្មនៅក្នុងគម្រោងនេះ” ដោយបន្ថែមថាក្រុមហ៊ុនកំពុងពិចារណាយ៉ាងយកចិត្តទុកដាក់លើភាពងាយស្រួលនៃអេក្រង់ Touchscreen សម្រាប់ត្រកូល Mac របស់ខ្លួនជាលើកដំបូងដែលមិនធ្លាប់មាន។ ទោះជាយ៉ាងណាក៏ដោយ Apple មិនទាន់សម្រេចចិត្តថានៅពេលណាដែលខ្លួននឹងណែនាំពិភពលោកទៅកាន់អេក្រង់ MacBook ដែលងាយបប៉ះនោះឡើយ។
បន្ថែមពីលើរបាយការណ៍បានបង្ហាញថា ការពិភាក្សាដែលកំពុងបន្តនៅក្រុមហ៊ុនកំពុងកំណត់គោលដៅចេញបង្ហាញខ្លួនដំបូងនៅឆ្នាំ២០២៥ ដោយចាប់ផ្តើមជាមួយនឹង MacBook Pro ដែលបានរចនាឡើងវិញសម្រាប់ឆ្នាំ២០២៥។ ខណៈរបាយការណ៍នេះគួរឱ្យចាប់អារម្មណ៍បំផុត ព្រោះវាក៏ស្របនឹងពាក្យចចាមអារ៉ាមដែលព្យាករណ៍ថាអេក្រង់ OLED ធ្វើឱ្យប្រសើរឡើងសម្រាប់កុំព្យូទ័រយួរដៃ Apple៕