[ទីផ្សារបរទេស] តាមទិន្នន័យរបស់ Experian បានឲ្យដឹងថា Tesla គឺជាក្រុមហ៊ុនដែលលក់រថយន្តប្រណីតបានច្រើនជាងគេក្នុងរយៈពេលប្រាំខែដំបូងនៃឆ្នាំ២០២២នេះ ប្រចាំទីផ្សារសហរដ្ឋអាមេរិក ដោយលក់បានសរុប ១៧៩ ៥៧៤គ្រឿង កើនឡើង ៦៦%។
ពាណិជ្ជកម្ម
BMW ស្ថិតនៅចំណាត់ថ្នាក់លេខពីរ ជាមួយចំនួនលក់រថយន្តប្រណីតមានសរុប ១៣៣ ២០៩គ្រឿង ជាការធ្លាក់ចុះ ១១% ចំណែក Lexus ធ្លាក់មកនៅចំណាត់ថ្នាក់លេខបីជាមួួយចំនួនលក់សរុប ១១២ ២៩៦គ្រឿង ដែលជាការថយចុះរហូតដល់ ១៩% និង Mercedes-Benz នៅលេខបួន ជាមួយចំនួនលក់ ១១០ ៥៨៤គ្រឿង ថយចុះ ១៧% ហើយម៉ាក Audi ធ្លាក់ចុះខ្លាំងជាងគេរហូតដល់ ៣៥% ជាមួយចំនួនលក់សរុប ៦៧ ៩៨៦គ្រឿង។
បើគិតតែរថយន្តអគ្គិសនីប្រណីតវិញ Tesla គ្រងតំណែងលេខមួយ តាមពីក្រោយដោយ Audi លក់បាន ៦ ៦១៧គ្រឿង, Porsche លក់បាន ៣ ៦២៧គ្រឿង ស្ថិតនៅចំណាត់ថ្នាក់លេខបី និង Mercedes លក់បាន ៣ ២៥០គ្រឿង ស្ថិតនៅចំណាត់ថ្នាក់លេខបួន៕