[ទីផ្សារបរទេស] យោងតាមការចុះផ្សាយរបស់ព័ត៌មាន CNA ថាការនាំចូលសាច់របស់ប្រទេសចិនបានធ្លាក់ចុះរហូតដល់ ៣៦% ក្នុងខែមេសាកន្លងមកនេះដោយសារតែការរាលដាលនៃជំងឺកូវីត-១៩។
ពាណិជ្ជកម្ម
ក្នុងនោះដែរទិន្នន័យគយបានបញ្ជាក់ថាប្រទេសចិនបាននាំចូលសាច់ចំនួន ៥៩២,០០០ តោនក្នុងខែមេសា។ ខណៈដែលការនាំចូលបែបនេះបានរងផលប៉ះពាល់ដោយការដឹកជញ្ជូនដ៏ពិបាកដែលបង្កឡើងដោយបិទខ្ទប់នៅទីក្រុងសៀងហៃ។
ហើយការនាំចូលសាច់រយៈពេល ៤ ខែ សម្រាប់ឆ្នាំ ២០២២ នេះបានធ្លាក់ចុះរហូតដល់ ៣៦ % កាលពីឆ្នាំមុននៅត្រឹម ២.២៦ លានតោនប៉ុណ្ណោះ។
សូមបញ្ជាក់ថាតម្រូវការសាច់ជ្រូកនាំចូលបានធ្លាក់ចុះនៅឆ្នាំនេះ បន្ទាប់ពីកសិករចិញ្ចឹមជ្រូកចិនបានបង្កើនការបង្កាត់ពូជដើម្បីទូទាត់សងការខាតបង់ដែលបណ្តាលមកពីជំងឺប៉េស្តជ្រូកអាហ្វ្រិក៕