ប្រទេសបារាំង នឹងផ្តល់ជំនួយយោធា និងជំនួយមនុស្សធម៌ឱ្យប្រទេសអ៊ុយក្រែន

[បរទេស] ប្រទេសបារាំង បានធ្វើការប្រកាសថាខ្លួននឹងផ្តល់ជំនួយយោធា និងជំនួយមនុស្សធម៌ បន្ថែមទៅឱ្យប្រទេសអ៊ុយក្រែន ដើម្បីប្រយុទ្ធប្រឆ្នាំងការលុកលុយពីសំណាក់ប្រទេសរុស្ស៊ី បន្ទាប់ពីការសន្ទនាតាមទូរស័ព្ទរវាងប្រធានធិបតីបារាំង លោក Emmanuel Macron និងប្រធានធិបតីអ៊ុយក្រែន លោក Volodymyr Zelenskyy កាលពីថ្ងៃសៅរ៍ ៣០ មេសា ឆ្នាំ ២០២២។

ពាណិជ្ជកម្ម

ជាមួយគ្នានេះដែរប្រធានាធិបតីបារាំង Emmanuel Macron បានបញ្ជាក់ថាជំនួយយោធានបន្ថែមមានដូច អាវុទ្ធធ្ងន់ធំ ដែលសហរដ្ឋអាមេរិក បារាំង សាធារណរដ្ឋឆេក និងសម្ព័ន្ធមិត្តផ្សេងទៀតបានផ្តល់ឱ្យទីក្រុង Kyiv នូវបំណែកកាំភ្លើងធំជាច្រើនដើម ដើម្បីជួយខ្លួនទប់ទល់នឹងការវាយលុករបស់ទីក្រុងម៉ូស្គូនៅក្នុងតំបន់ Donbas ភាគខាងកើតប្រទេសអ៊ុយក្រែន។

ខណៈដែលជំនួយមនុស្សធម៌ដែលបារាំងផ្តល់ឱ្យមានជាង ៦១៥ តោន រួមមានគ្រឿងបរិក្ខាពេទ្យ, ទ្បានពេទ្យសង្គ្រោះបន្ទាន់ ម៉ាស៊ីនភ្លើងសម្រាប់ពេទ្យ, ស្បៀងអាហារ,សំលៀបបំពាក់ជាដើម។

គួរជម្រាបផងដែរថាមានប្រទេសជាច្រើនដូចជា សហរដ្ឋអាមេរិក សហភាពអឺរ៉ុប និងប្រទេសផ្សេងក៏បានផ្តល់ជំនួយយោធាន ទៅឱ្យអ៊ុយក្រែន ដើម្បីដើម្បីប្រយុទ្ធប្រឆ្នាំងការលុកលុយពីសំណាក់ប្រទេសរុស្ស៊ីផងដែរ៕