[បរទេស] យោងតាមចុះផ្សាយរបស់សារព័ត៌មាន CNA បាននិយាយថាទំនិញដែលមានតម្លៃជាង ៤៥ ៣៩៩ ដុល្លារ ត្រូវបានរឹបអូសដោយសារតែក្លែងក្លាយ។
ក្រុមប៉ូលីស បានប្រាប់ឱ្យដឹងថាស្ត្រីវ័យ ៤២ ឆ្នាំម្នាក់ត្រូវបានចាប់ខ្លួនពីបទសង្ស័យជាប់ពាក់ព័ន្ធនឹងការលក់ទំនិញក្លែងក្លាយនៅផ្សារតាមដងផ្លូវក្នុងទីក្រុង Clementi មួយកន្លែងទីក្រុង Ang Mo Kio នៅក្នុងប្រទេសសិង្ហបុរី។
បន្ថែមពីនេះក្រុមប៉ូលីសបានបន្តទៀតថា មន្ត្រីនាយកដ្ឋានស៊ើបអង្កេតបទល្មើសព្រហ្មទណ្ឌបានចុះប្រតិបត្តិការបង្ក្រាបនៅផ្សារតាមបណ្តោយផ្លូវ Clementi Avenue ៣ និងលំនៅដ្ឋានមួយកន្លែងតាមបណ្តោយផ្លូវអង្គម៉ូគីផ្លូវលេខ៥១ កាលពីថ្ងៃទី១៤ ខែមេសា ។
ជាមួយគ្នានេះការវាយឆ្មក់នេះក្រុមប៉ូលីសរកឃើញទំនិញក្លែងក្លាយដូចជាសម្លៀកបំពាក់ជាង ២,៤០០ បំណែកនៃម៉ាកយីហោដែលបំពានលើផ្លូវដែលមានតម្លៃប្រហែល ៤៥ ៣៩៩ ដុល្លារត្រូវបានរឹបអូសទាំងអស់។
យ៉ាងណាមិញក្រុមប៉ូលីស បានបញ្ជាក់ថាអ្នកដែលលក់ទំនិញក្លែងក្លាយ នឹងត្រូវកាត់ពីបទលក់ ឬចែកចាយទំនិញដែលមានពាណិជ្ជសញ្ញាក្លែងក្លាយ ប្រឈមនឹងការផាកពិន័យរហូតដល់ ៧៣ ៣៣៤ ដុល្លារ និងជាប់ពន្ធនាគាររហូតដល់ ៥ ឆ្នាំ៕