[ទីផ្សារបរទេស] ថ្មីៗនេះក្រុមហ៊ុនផលិតឧបករណ៍ទូរគមនាគមន៍ស៊ុយអែត Ericsson បានផ្អាកអាជីវកម្មមរបស់ខ្លួនទាំងអស់នៅរុស្ស៊ី។ នេះយោងតាមការចុះផ្សាយរបស់សារព័ត៌មាន CNA នៅថ្ងៃទី១១ ខែមេសា ឆ្នាំ២០២២។
សេចក្តីថ្លៃងការណ៍របស់ក្រុមហ៊ុន Ericsson បានបញ្ជាក់ថាការដាក់ទណ្ឌកម្មរបស់សហភាពអឺរ៉ុបឥឡូវនេះធ្វើឱ្យក្រុមហ៊ុននឹងផ្អាកអាជីវកម្មដែលរងផលប៉ះពាល់មិនល្អដល់ខ្លួនជាមួយអតិថិជននៅក្នុងប្រទេសរុស្ស៊ីដោយគ្មានកំណត់។
ហើយក្រុមហ៊ុន Ericsson នេះបានបន្តទៀតថា ខ្លួននឹងចុះបញ្ជីផ្តល់នូវទឹកប្រាក់ប្រមាណជាង ៩៥ លានដុល្លារ សម្រាប់ត្រីមាសទី ១ នៃការធ្លាក់ចុះខ្សោយនូវប្រាក់ចំណូល និងការចំណាយក្នុងករណីពិសេសផ្សេងទៀតដែលពាក់ព័ន្ធទៅនឹងការចាក់ចេញនេះ។ បន្ថែមពីនេះបុគ្គលិកនៅក្នុងប្រទេសរុស្ស៊ីនឹងត្រូវបានដាក់ឱ្យឈប់សម្រាកដែលមានប្រាក់ខែ។
គួររំលឹកផងដែរថាការដាក់ទណ្ឌកម្មរបស់សហភាពអឺរ៉ុប និងសហរដ្ឋអាមេរិក ទៅលើរុស្ស៊ី គឺដោយសារតែប្រតិបត្តិការយោធាពិសេសរបស់រុស្ស៊ី នៅលើទឹកដីអ៊ុយក្រែន កាលពីថ្ងៃទី ២៤ ខែមីនា ឆ្នាំ២០២២៕