[ក្នុងស្រុក] ក្រុមហ៊ុនផលិតម៉ូតូបារាំង Voltra បានធ្វើការដាក់បង្ហាញនូវម៉ូឌែល Matrix ប្រភេទ Scooter ប្រើប្រាស់អគ្គិសនីសុទ្ធ នៅឯពិពរណ៌យានយន្តអគ្គិសនី និងសម្ពោធដាក់ឱ្យប្រើប្រាស់ស្ថានីយបញ្ចូលថាមពលសម្រាប់យានយន្តអគ្គិសនី ដែលបានធ្វើឡើងនៅក្រសួងសាធារណការ និងដឹកជញ្ចូនកាលពីថ្ងៃសៅរ៍ទី ២៦ ខែមីនា ឆ្នាំ ២០២២ កន្លងទៅ។
ជាមួយគ្នានេះរូបរាងនៃម៉ូតូអគ្គិសនី Matrix ទទួលបានរចនាទ្បើង Classic ដោយបំពាក់មកជាមួយនឹងកុងទ័រឌីជីថល LED, រន្ធសាកថ្មពីរកន្លែងខាងឆ្វេងចង្កូតដៃម៉ូតូ និងក្រោយកែបកៅអីផងដែរ។
ហើយអ្វីដែលពិសេសនោះម៉ូតូ Scooter នេះបានបំពាក់ម៉ូទ័រអគ្គិសនី ១ ផលិតកម្លាំង ៦០ V ២៨ អំពែ អាចជិះចម្ងាយ ១០០ គីទ្បូម៉ែត្រ ជាមួយនឹងការសាកភ្លើងពេញម្តង ។ ខណៈដែលម៉ូតូអគ្គិសនី Scooter បានប្រើប្រាស់អាគុយប្រភេទ Lithium Li-ion ។
បន្ថែមពីនេះម៉ូតូអគ្គិសនី Matrix ក៏បានបំពាក់នូវប្រព័ន្ធសុវត្ថិភាពដ៏ឆ្លាតវ៉ៃដែលបញ្ជាដោយ Smart key អាចចាក់សោរ និងដោះសោរពីចម្ងាយបានផងដែរ។
យ៉ាងណាមិញចំពោះម៉ូតូអគ្គិសនី Voltra Matrix បានដាក់លក់ក្នុងតម្លៃខ្ទង់ ១ ០០០ ពាន់ដុល្លារទ្បើងទៅ និងទទួលការធានា ២ ឆ្នាំ ឬ ៣ ០០០០ គីទ្បូម៉ែត្រសម្រាប់ទីផ្សារនៅក្នុងប្រទេសកម្ពុជា៕
