ក្រុមហ៊ុនសម្លៀកបំពាក់ H&M ផ្អាកការលក់ទាំងអស់ នៅក្នុងប្រទេសរុស្ស៊ីជាបណ្តោះអាសន្ន

ក្រុមហ៊ុនសម្លៀកបំពាក់ H&M បានប្រកាសថា ខ្លួននឹងផ្អាកការលក់ទាំងអស់នៅក្នុងប្រទេសរុស្ស៊ី ដោយសារតែការលុកលុយរបស់វាទៅលើអ៊ុយក្រែន។

ពាណិជ្ជកម្ម

អ្នកលក់សម្លៀកបំពាក់រាយធំជាងគេទី២ របស់ពិភពលោកខាងលើ បាននិយាយថា ខ្លួនមានការព្រួយបារម្ភអំពីស្ថានការណ៍នៅក្នុងប្រទេសអ៊ុយក្រែន។

នៅក្នុងសេចក្តីថ្លែងការណ៍ផ្លូវការមួយ ក្រុមហ៊ុនស៊ុយអែត H&M បានបញ្ជាក់ថា ខ្លួនឈរជាមួយមនុស្សទាំងអស់ដែលកំពុងរងទុក្ខ នៅក្នុងប្រទេសអ៊ុយក្រែន។

គួរបញ្ជាក់ថា H&M គឺជាក្រុមហ៊ុនចុងក្រោយមួយ ក្នុងការបញ្ឈប់ការលក់របស់ខ្លួននៅក្នុងប្រទេសរុស្ស៊ី ស្របពេលដែលក្រុមហ៊ុនធំៗជាច្រើននៅលើពិភពលោក ក៏បានសម្រេចចិត្តធ្វើបែបនេះផងដែរ។

យ៉ាងណាមិញ បើយោងតាមតួលេខថ្មីៗនេះ ប្រទេសរុស្ស៊ី គឺជាទីផ្សារធំបំផុតទី៦ របស់ H&M ដែលមានចំនួនប្រហែល ៤% នៃការលក់ជាក្រុម នៅក្នុងត្រីមាសទី៤ ឆ្នាំ ២០២១៕