តម្លៃផ្ទះដែលមានស្រាប់នៅសហរដ្ឋអាមេរិក កាលពីខែឧសភាបានបង្ហាញពីការកើនឡើងខ្លាំងបំផុតក្នុងរយៈពេលជាងពីរទសវត្សរ៍ ដោយសារតែកង្វះខាតផ្ទះក្នុងការផ្គត់ផ្គង់ និងអត្រាការប្រាក់ទាប។
សមាគមអ្នកវាយតម្លៃជាតិ (NAR) បានរាយការណ៍ថា តម្លៃលក់ជាមធ្យមនៃផ្ទះដែលមានស្រាប់កាលពីខែមុនបានឡើងដល់ ៣៥ ម៉ឺនដុល្លារកើនឡើង ២៤ ភាគរយ ពីមួយឆ្នាំ ទៅមួយឆ្នាំក្នុងឆ្នាំ ២០២០ ។ នេះគឺជាការកើនឡើងពីមួយខែទៅមួយខែច្រើនបំផុត ដែល NAR បានកត់ត្រាតាំងពីឆ្នាំ ១៩៩៩ ។
តម្លៃលក់បានកើនឡើងយ៉ាងខ្លាំង ចាប់តាំងពីរដូវក្តៅមុននៅពេលដែលកាបិទផ្ទប់ត្រូវបានបន្ធូរបន្ថយហើយមនុស្សជាច្រើនបានប្រញាប់ប្រញាល់ទិញផ្ទះធំ ៗ។ អ្នកផ្សេងទៀតដែលធ្វើការពីចម្ងាយកំពុងចាប់យកឱកាស ដើម្បីផ្លាស់ទៅទីក្រុងដែលមិនសូវថ្លៃ។
ការកើនឡើងតម្លៃកាលពីខែមុន បានធ្វើអោយការលក់ផ្ទះធ្លាក់ចុះ ០,៩ ភាគរយនៅក្នុងខែឧសភា ចាប់ពីខែមេសាមក ដែលជាការធ្លាក់ចុះរយៈពេល ៤ ខែជាប់គ្នា។
សេដ្ឋវិទូ និងភ្នាក់ងារអចលនទ្រព្យនិយាយថា ការធ្លាក់ចុះនៃការលក់គឺមួយផ្នែកដោយសារតែមិនមានផ្ទះគ្រប់គ្រាន់សម្រាប់បំពេញតំរូវការ។ ផ្ទះសម្រាប់លក់កំពុងមានម្ចាស់ថ្មីយ៉ាងឆាប់រហ័ស។ ជាមធ្យមវាចំណាយពេលតែ ១៧ ថ្ងៃប៉ុណ្ណោះសម្រាប់ផ្ទះដែលត្រូវបានចុះបញ្ជីសម្រាប់ការទិញដែលជារយៈពេលខ្លីដែលស្រដៀងនឹងខែមេសា។
អ្នកសាងសង់ផ្ទះកំពុងព្យាយាមបង្កើតការផ្គត់ផ្គង់បន្ថែមទៀតដើម្បីបំពេញតម្រូវការអតិថិជន។ ខណៈពេលដែលទីផ្សារលំនៅដ្ឋាន ធ្វើឱ្យមានការលំបាកសម្រាប់អ្នកទិញដំបូង និងអ្នកមានប្រាក់ចំណូលទាប ការលក់ផ្ទះបានកើនឡើងយ៉ាងខ្លាំងនៅក្នុងពេលចុងក្រោយ។ យោងតាម NAR ចំនួនផ្ទះដែលត្រូវបានលក់ក្នុងតម្លៃជាងមួយលានដុល្លារ ច្រើនជាងទ្វេដងនៅក្នុងខែឧសភាធៀបនឹងរយៈពេលដូចគ្នាក្នុងឆ្នាំ ២០២០៕