យោងតាមប្រភពព័ត៌មានបានឲ្យដឹងថា ក្រុមហ៊ុនApple ចង់ឲ្យបុគ្គលិករបស់ខ្លួនវិលត្រឡប់ទៅធ្វើការការិយាល័យវិញនៅខែកញ្ញានេះ។
លោក Tim Cook នាយកប្រតិបត្តិក្រុមហ៊ុន Apple បានសរសេរសារផ្ញើទៅកាន់បុគ្គលិកថា បុគ្គលិកត្រូវតែវិលត្រឡប់ទៅធ្វើការនៅការយាល័យរបស់ពួកគេវិញ យ៉ាងហោចណាស់ ៣ថ្ងៃក្នុងមួយសប្តាហ៍។ បុគ្គលិកខ្លះនឹងត្រូវផ្តល់ជម្រើសដើម្បីធ្វើការពីចម្ងាយ រយៈពេលពីរថ្ងៃដែលនៅសល់។
ពាណិជ្ជកម្ម
ទោះជាយ៉ាងណាក៏ដោយ ក្រុមដែលតម្រូវឲ្យទៅធ្វើការនៅការិយាដោយផ្ទាល់ នឹងត្រឡប់មកធ្វើការវិញ ក្នុងរយៈពេល ៤ឬ ៥ថ្ងៃ។ មិនតែប៉ុណ្ណោះ ក្រុមហ៊ុន Apple ក៏បានប្រាប់បុគ្គលិកថា ពួកគេនឹងអាចដាក់ពាក្យសុំឱកាសធ្វើការពីចម្ងាយ បានរយៈពេលពីរសប្តាហ៍ក្នុងមួយឆ្នាំ។
លោក Tim Cook បាននិយាយថា ទោះបីជាមានការផ្លាស់ប្តូរយ៉ាងរលូនទៅរកការធ្វើការងារពីចម្ងាយក៏ដោយ ក៏វាមិនមែនជាការជំនួសគ្រប់គ្រាន់សម្រាប់ការសហការដោយផ្ទាល់ដែរ៕