តារាស្រី Sofia Vergara ដែលជាតួអង្គឯកក្នុងរឿងភាគ Modern Family បានជាប់ឈ្មោះជាតារាស្រីមានតម្លៃខ្លួនថ្លៃបំផុតលើពិភពលោក ប្រចាំឆ្នាំ២០២០ ជាមួយនឹងតម្លៃខ្លួន ៤៣លានដុល្លារ។
ជាមួយគ្នានេះ តារាស្រីហូលីវូដដែលមានកេរ្តិ៍ឈ្មោះល្បីល្បាញ Angelina Jolie បានជាប់ចំណាត់ថ្នាក់លេខ២ និង នាង Gal Gadot តួអង្គរឿង Wonder Woman បានជាប់លេខ៣ ជាមួយនឹងតម្លៃខ្លួន ៣៥លានដុល្លារ និង ៣១លានដុល្លារ។
គួរឲ្យដឹងថា រោងកុនអាមេិរកកំពុងតែជួបបញ្ហា ដោយសារតែការរីករាលដាលនៃជំងឺកូវីដ១៩ ចាប់តាំងពីចុងខែមិនាមកម្ល៉េះ បណ្តាលឲ្យស្ទូឌីយូផលិតកុនធំៗជាច្រើន ផ្អាក និងពន្យាពេលកុនលុយធំៗ ដូចជា Black Widow និង Wonder Woman 1984 ជាដើម។
ស្របពេលដែលតារាភាពយន្តជាច្រើន រកលុយបន្ថែមបានច្រើនដោយផ្អែកលើ Box Office កង្វះខាតនៃការចេញរឿងថ្មី បានធ្វើឲ្យតារាស្រីមួយចំនួន ក្តោបបានចំណាត់ថ្នាក់ថ្មី។
ខាងក្រោមនេះគឺជាតារាស្រីទាំង ១០រូប មានតម្លៃខ្លួនថ្លៃបំផុតលើលោក ប្រចាំឆ្នាំ២០២០៖
១) Sofia Vergara៖ តម្លៃខ្លួន ៤៣លានដុល្លារ
២) Angelina Jolie៖ តម្លៃខ្លួន ៣៥,៥លានដុល្លារ
៣) Gal Gadot៖ តម្លៃខ្លួន ៣១,៥លានដុល្លារ
៤) Melissa McCarthy៖ តម្លៃខ្លួន ២៥លានដុល្លារ
៥) Meryl Streep៖ តម្លៃខ្លួន ២៤លានដុល្លារ
៦) Emily Blunt៖ តម្លៃខ្លួន ២២,៥លានដុល្លារ
៧) Nicole Kidman៖ តម្លៃខ្លួន ២២លានដុល្លារ
៨) Ellen Pompeo៖ តម្លៃខ្លួន ១៩លានដុល្លារ
៩) Elisabeth Moss៖ តម្លៃខ្លួន ១៦លានដុល្លារ
១០) Viola Davis៖ តម្លៃខ្លួន ១៥,៥លានដុល្លារ
