បន្ទាប់ពីប្រកាសបង្ហាញចេញនៅក្នុងព្រឹត្តិការណ៍ MWC ឆ្នាំ 2025 ពេលនេះ ក្រុមហ៊ុន Tecno ផ្ទាល់ បានប្រកាសគ្រោងនឹងបញ្ចេញលក់នូវស្មាតហ្វូនស្តើង Spark Slim របស់ខ្លួននៅក្នុងពេលឆាប់ៗនេះហើយ ដោយក្នុងនោះ គឺអាចនឹងមានតម្លៃក្រោម ១ពាន់ដុល្លារ ប៉ុណ្ណោះ នៅក្នុងទីផ្សារប្រទេសឥណ្ឌា។
សម្រាប់លក្ខណៈពិសេសរបស់ស្មាតហ្វូននេះ គឺមានកម្រាស់ត្រឹមតែ ៥,៧៥មីលីម៉ែត្រ តែប៉ុណ្ណោះ ប៉ុន្តែអ្វីដែលចាប់អារម្មណ៍ខ្លាំងនោះគឺមិនត្រឹមតែមានកម្រាស់ស្តើងតែប៉ុណ្ណោះនោះទេ ថែមទាំងមានថ្មច្រើនទៀតផង ពោលគឺមានទំហំដល់ទៅ 5,200 mAh ឯណ្ណោះ។
ចំណែកផ្នែកកាមេរ៉ាវិញ គឺទទួលបានកាមេរ៉ាផ្នែកខាងក្រោយចំនួន ២ គ្រាប់ ដែលរចនាដូចភ្នែកកង្កែបមានលោតភ្លើងចុះឡើងៗ ទំហំ 50MP និងកាមេរ៉ាផ្នែកខាងមុខទំហំ 13MP ។ ជាមួយគ្នានេះ ក៏បានភ្ជាប់មកជាមួយអេក្រង់ AMOLED ទំហំ 6.78 អ៊ីញ ដែលមានកម្រិតបង្ហាញ 1.5K 144Hz និងអាចជះពន្លឺបានខ្ពស់បំផុត 4,500 nits ផងដែរ៕
