ខែមុន អគ្គនាយករបស់ Ford លោក Jim Farley បានសន្យាថានឹងមានរថយន្តអគ្គិសនី ដូចជា Model T ហើយឥឡូវនេះ Ford បានបង្ហាញគ្រោងឆ្អិង Universal EV និងប្រព័ន្ធផលិត Universal EV ដែលនឹងគាំទ្រការផលិតរថយន្តភីកអាប់អគ្គិសនីទំហំមធ្យមថ្មី ដែលនឹងចាប់ផ្តើមផលិតក្នុងឆ្នាំ 2027។ ព័ត៌មានលម្អិតភាគច្រើននៅតែសម្ងាត់ ប៉ុន្តែ Ford បានបញ្ជាក់ថាគ្រោងឆ្អិងថ្មីនេះប្រើប្រព័ន្ធអគ្គិសនី 400 វ៉ុល។ ទោះបីវាមានល្បឿនសាកថ្មយឺតជាងប្រព័ន្ធ 800 វ៉ុលក៏ដោយ Ford ថាវាជាជម្រើសត្រឹមត្រូវ ដោយសារទំហំរថយន្ត និងគោលដៅតម្លៃទាប។ រថយន្តនេះក៏អាចទទួលការអាប់ដេតតាមប្រព័ន្ធអ៊ីនធឺណិត (OTA) និងមានប្រព័ន្ធ BlueCruise របស់ Ford រថយន្ត 5 កៅអីនេះនឹងចាប់ផ្តើមតម្លៃប្រហែល $30,000 ដោយសារវេទិកា Universal EV ដែលមានចំនួនផ្នែកតិចជាងរថយន្តធម្មតា 20% និងមានវីសតិចជាង 25%។ Ford ក៏បានកាត់បន្ថយប្រវែងខ្សែភ្លើងដល់ 1,219.2 ម៉ែត្រ ធ្វើឱ្យស្រាលជាង 9.98 គីឡូក្រាម បើប្រៀបនឹង Mustang Mach-E។
ដើម្បីកាត់បន្ថយថ្លៃ Ford នឹងប្រើថ្ម Lithium-Iron-Phosphate (LFP) ដែលស្រាល និងប្រើកន្លែងតិចជាង ហើយក៏បង្កើតជាផ្នែករចនាសម្ព័ន្ធរថយន្តផងដែរ Ford មានគោលដៅឱ្យវាមានល្បឿន 0-100 Km/h ប្រហាក់ប្រហែល Mustang EcoBoost (4.5 វិនាទី)។រថយន្តនេះនឹងផលិតនៅរោងចក្រ Louisville Assembly Plant ក្នុងរដ្ឋ Kentucky សម្រាប់ទីផ្សារ អាមេរិក និងនាំចេញ។ ការផលិតចាប់ផ្តើមក្នុងឆ្នាំ 2027 ហើយនឹងចូលទីផ្សារឆ្នាំ 2028 Ford ព្យាករថា តម្លៃសម្ភារៈសរុបក្នុងរយៈពេល 5 ឆ្នាំ នឹងទាបជាង Tesla Model Y ក្នុងរយៈពេល 3 ឆ្នាំ។
Ford ថាគ្រោងឆ្អិងថ្មីនេះនឹងបង្កើត “គ្រួសាររថយន្តអគ្គិសនីសម្រាប់ប្រជាជន” ដែលអាចកំណត់ដោយ software នៅក្នុងសន្និសីទ ក្រុមហ៊ុនបានបង្ហាញគំនូសរូបថា វាអាចបម្លែងជារថយន្ត SUV, ភីកអាប់ និងវ៉ែន Ford ក៏កំពុងស្រាវជ្រាវលើរថយន្តចាប់ពីវ៉ែនដល់ SUV កៅអី 3 ជួរ និងរថយន្តទំហំតូច B-segment ផងដែរ។
ការណែនាំរថយន្តភីកអាប់អគ្គិសនីថ្មី និងប្រព័ន្ធផលិត Universal EV នឹងបញ្ចប់ការផលិត Ford Escape និង Lincoln Corsair នៅ Louisville ការផលិត SUV ទាំងពីរនឹងបញ្ចប់ចុងឆ្នាំនេះ ប៉ុន្តែ Ford ថា មានស្តុកគ្រប់គ្រាន់សម្រាប់លក់រហូតដល់ឆ្នាំ 2026។
