បន្ទាប់ពីបានប្រកាសចេញលក់នូវស្មាតហ្វូនបត់ ៣តង់ របស់ខ្លួនកាលពីឆ្នាំមុន និងទទួលបាននូវការគាំទ្រយ៉ាងច្រើនពីសំណាក់អ្នកគាំទ្ររបស់ខ្លួន ក៏ដូចជាអ្នកប្រើប្រាស់ជុំវិញពិភពលោក ពេលនេះ ក្រុមហ៊ុន Huawei គឺត្រូវបានគេរាយការណ៍ថា បាន និងកំពុងដាក់ពាក្យស្នើរសុំសិទ្ធប្រើប្រាស់នូវប៉ាតង់ថ្មីរបស់ខ្លួនសម្រាប់ផលិតនូវស្មាតហ្វូនបត់ ៤តង់ ដំបូងបំផុតនៅក្នុងពិភពលោកហើយ។
ពាណិជ្ជកម្ម
ក្នុងនោះ ចំពោះស្មាតហ្វូនបត់ ៤តង់ នេះ គឺត្រូវបានគេរាយការណ៍ថា គឺអាចបត់បានច្រើនរបៀប ហើយក៏អាចប្រើប្រាស់ដើម្បីជំនួសកុំព្យូទ័រ និងថេប្លេតបានផងដែរ ប៉ុន្តែព័ត៌មានលម្អិតមិនទាន់បង្ហាញចេញនៅឡើយទេ។
គួរបញ្ជាក់ថា ទោះបីជាការអភិវឌ្ឈន៍នេះកំពុងស្ថិតនៅក្នុងដំណាក់កាលប៉ាតង់ក៏ដោយ ក៏វាបានបង្ហាញពីបច្ចេកវិទ្យាដ៏អស្ចារ្យរបស់ក្រុមហ៊ុនចិនមួយនេះក្នុងការច្នៃប្រឌិតផលិតផលថ្មីៗសម្រាប់ចែកជូនដល់អ្នកប្រើប្រាស់នៅក្នុងពិភពលោកផងដែរ៕